aap ko kho ke tum ko DhūñDh liyā

hausla thā ye mere hī dil kā

aap ko kho ke tum ko DhunDh liya

hausla tha ye mere hi dil ka

hañs ke phūloñ ko vo kareñge subuk

rañg uḌā.eñge ham anādil kā

hans ke phulon ko wo karenge subuk

rang uDaenge hum anadil ka

huā hai ishq meñ kam husn-e-ittifāq aisā

ki dil ko yaar to dil yaar ko pasand huā

hua hai ishq mein kam husn-e-ittifaq aisa

ki dil ko yar to dil yar ko pasand hua

kisī mahbūb-e-gandum-gūñ kī ulfat meñ guzarte haiñ

dam apnā jism se yā ḳhuld se aadam nikaltā hai

kisi mahbub-e-gandum-gun ki ulfat mein guzarte hain

dam apna jism se ya KHuld se aadam nikalta hai

zāhid mujhe na māne-e-sharb-e-sharāb ho

aisā na ho savāb ke badle azaab ho

zahid mujhe na mane-e-sharb-e-sharab ho

aisa na ho sawab ke badle azab ho