mujhe apnī biivī pe faḳhr hai mujhe apne saale pe naaz hai

nahīñ dosh donoñ kā is meñ kuchh mujhe DāñTtā koī aur hai

mujhe apni biwi pe faKHr hai mujhe apne sale pe naz hai

nahin dosh donon ka is mein kuchh mujhe DanTta koi aur hai

vo bharī bazm meñ kahtī hai mujhe uncle-jī

diplomacy hai ye kaisī mirī ham-sā.ī kī

wo bhari bazm mein kahti hai mujhe uncle-ji

diplomacy hai ye kaisi meri ham-sai ki

maiñ jise hiir samajhtā thā vo rāñjhā niklā

baat niyyat kī nahīñ baat hai bīnā.ī kī

main jise hir samajhta tha wo ranjha nikla

baat niyyat ki nahin baat hai binai ki

kabhī likhne likhāne kī to naubat hī nahīñ aatī

maiñ naaḌā Daal letā huuñ zarūrat jab bhī paḌtī hai

kabhi likhne likhane ki to naubat hi nahin aati

main naDa Dal leta hun zarurat jab bhi paDti hai

kahte haiñ ki lailā kā ta'alluq thā arab se

ye rang to africa o makrān meñ dekhā

kahte hain ki laila ka ta'alluq tha arab se

ye rang to africa o makran mein dekha

mehmān-navāzī to bahut hotī hai lekin

cigarette kī jo hājat ho to garage meñ jaa.eñ

mehman-nawazi to bahut hoti hai lekin

cigarette ki jo hajat ho to garage mein jaen

mire rob meñ to vo aa gayā mire sāmne to vo jhuk gayā

mujhe laat khā ke huī ḳhabar mujhe pīTtā koī aur hai

mere rob mein to wo aa gaya mere samne to wo jhuk gaya

mujhe lat kha ke hui KHabar mujhe piTta koi aur hai

doctor se maiñ ilāj-e-dil karāne jab gayā

mashvara us ne diyā tū sher kahnā chhoḌ de

doctor se main ilaj-e-dil karane jab gaya

mashwara us ne diya tu sher kahna chhoD de

mere taayā se vo haiñ umr meñ das saal baḌī

ghar ke har fard pe dahshat hai mirī taa.ī kī

mere taya se wo hain umr mein das sal baDi

ghar ke har fard pe dahshat hai meri tai ki

ḳhush hote haiñ ham log agar koī hasīna

is umr ham par koī tohmat hī lagā.e

KHush hote hain hum log agar koi hasina

is umr hum par koi tohmat hi lagae

nikālīñ Taañg se aur joḌ dī haiñ dil ke pahlū meñ

lagā hai ḳhuub kyā kam-ḳhvāb meñ ye Taañg kā paivand

nikalin Tang se aur joD di hain dil ke pahlu mein

laga hai KHub kya kam-KHwab mein ye Tang ka paiwand

jaane kā naam hī nahīñ letā vo nek-baḳht

''muddat huī hai yaar ko mehmāñ kiye hue''

jaane ka nam hi nahin leta wo nek-baKHt

muddat hui hai yar ko mehman kiye hue

hai ajab nizām zakāt kā mire mulk meñ mire des meñ

ise kāTtā koī aur hai ise bāñTtā koī aur hai

hai ajab nizam zakat ka mere mulk mein mere des mein

ise kaTta koi aur hai ise banTta koi aur hai

sar-e-bazm mujh ko uThā diyā mujhe maar maar liTā diyā

mujhe mārtā koī aur hai vale hāñptā koī aur hai

sar-e-bazm mujh ko uTha diya mujhe mar mar liTa diya

mujhe marta koi aur hai wale hanpta koi aur hai