دیوانۂ جستجو ہو گیا چاند

بادل سے گر کے کھو گیا چاند

مختصر بات چیت اچھی ہے

لیکن اتنا بھی اختصار نہ کر

پڑتی نہیں ہے دل پہ ترے حسن کی کرن

کس سمت میرے چاند درخشاں ہے آج کل

عقل کچھ زیست کی کفیل نہیں

زندگی اتنی بے سبیل نہیں

یقیں گر کرو تم بہت خوب ہے

یہ بے جا تبسم بہت خوب ہے

آپ کے ساتھ مسکرانے میں

زندگی ایک پھول ہوتی ہے

عارض سے ترے صبح کی تہمت نہ اٹھے گی

زلفوں پہ تری شام کا الزام رہے گا

فکر مندی فضول ہوتی ہے

کوشش دل قبول ہوتی ہے

میری تجویز پر خفا کیوں ہو

بات کچھ عقل کے خلاف نہیں

ہمیں بھی ضرورت تھی اک شخص کی

یہ حسن تصادم بہت خوب ہے

اتنے نادم نہ ہوئیے آخر

اچھے اچھوں سے بھول ہوتی ہے

اسی طرح باتیں کئے جائیے

یہ طرز تکلم بہت خوب ہے

گوش مشتاق صدائے نالۂ دل اب کہاں

شعر اگر دل کے لہو میں ڈوب کر نکلے تو کیا

ہم سے واعظ نے بات کی ہوتی

گمرہی اپنی بے دلیل نہیں

جب تک کہ محبت کا چلن عام رہے گا

ہر لب پہ مرا ذکر مرا نام رہے گا

پاس پندار طبیعت دل اگر رکھ لے تو کیا

ہے وجود درد محکم ضبط غم کر لے تو کیا

گو انہیں راہ انحراف نہیں

پھر بھی امید اعتراف نہیں

جنوں شعلہ ساماں خرد شبنم افشاں

خدا جانے یہ جان جیتے کہ ہارے