dīvāna-e-justujū ho gayā chāñd

bādal se gir ke kho gayā chāñd

diwana-e-justuju ho gaya chand

baadal se gir ke kho gaya chand

aql kuchh ziist kī kafīl nahīñ

zindagī itnī be-sabīl nahīñ

aql kuchh zist ki kafil nahin

zindagi itni be-sabil nahin

aap ke saath muskurāne meñ

zindagī ek phuul hotī hai

aap ke sath muskurane mein

zindagi ek phul hoti hai

muḳhtasar bāt-chīt achchhī hai

lekin itnā bhī iḳhtisār na kar

muKHtasar baat-chit achchhi hai

lekin itna bhi iKHtisar na kar

aariz se tire sub.h kī tohmat na uThegī

zulfoñ pe tirī shaam kā ilzām rahegā

aariz se tere subh ki tohmat na uThegi

zulfon pe teri sham ka ilzam rahega

fikr-mandī fuzūl hotī hai

koshish-e-dil qubūl hotī hai

fikr-mandi fuzul hoti hai

koshish-e-dil qubul hoti hai

merī tajvīz par ḳhafā kyuuñ ho

baat kuchh aql ke ḳhilāf nahīñ

meri tajwiz par KHafa kyun ho

baat kuchh aql ke KHilaf nahin

hameñ bhī zarūrat thī ik shaḳhs kī

ye husn-e-tasādum bahut ḳhuub hai

hamein bhi zarurat thi ek shaKHs ki

ye husn-e-tasadum bahut KHub hai

isī tarah bāteñ kiye jā.iye

ye tarz-e-takallum bahut ḳhuub hai

isi tarah baaten kiye jaiye

ye tarz-e-takallum bahut KHub hai

yaqīñ gar karo tum bahut ḳhuub hai

ye be-jā tabassum bahut ḳhuub hai

yaqin gar karo tum bahut KHub hai

ye be-ja tabassum bahut KHub hai

itne nādim na hoiye āḳhir

achchhe-achchhoñ se bhuul hotī hai

itne nadim na hoiye aaKHir

achchhe-achchhon se bhul hoti hai

paḌtī nahīñ hai dil pe tire husn kī kiran

kis samt mere chāñd daraḳhshāñ hai āj-kal

paDti nahin hai dil pe tere husn ki kiran

kis samt mere chand daraKHshan hai aaj-kal

ham se vaa.iz ne baat kī hotī

gumrahī apnī be-dalīl nahīñ

hum se waiz ne baat ki hoti

gumrahi apni be-dalil nahin

jab tak ki mohabbat kā chalan aam rahegā

har lab pe mirā zikr mirā naam rahegā

jab tak ki mohabbat ka chalan aam rahega

har lab pe mera zikr mera nam rahega

go unheñ rāh-e-inhirāf nahīñ

phir bhī ummīd-e-e'tirāf nahīñ

go unhen rah-e-inhiraf nahin

phir bhi ummid-e-e'tiraf nahin

junūñ sho.ala-sāmāñ ḳhirad shabnam-afshāñ

ḳhudā jaane ye jaan jiite ki haare

junun shoala-saman KHirad shabnam-afshan

KHuda jaane ye jaan jite ki haare

gosh-e-mushtāq-e-sadā-e-nāla-e-dil ab kahāñ

sher agar dil ke lahū meñ Duub kar nikle to kyā

gosh-e-mushtaq-e-sada-e-nala-e-dil ab kahan

sher agar dil ke lahu mein Dub kar nikle to kya

pās-e-pindār-e-tabī.at dil agar rakh le to kyā

hai vajūd-e-dard mohkam zabt-e-ġham kar le to kyā

pas-e-pindar-e-tabiat dil agar rakh le to kya

hai wajud-e-dard mohkam zabt-e-gham kar le to kya