بھوک تخلیق کا ٹیلنٹ بڑھا دیتی ہے

پیٹ خالی ہو تو ہم شعر نیا کہتے ہیں

نہ ہوں پیسے تو استقبالیوں سے کچھ نہیں ہوگا

کسی شاعر کو خالی تالیوں سے کچھ نہیں ہوگا

میں نے بس اتنا ہی لکھا آئی لو یو اور پھر

اس نے آگے کر دیا تھا گال انٹرنیٹ پر

کیسا عجیب آیا ہے اس سال کا بجٹ

مرغی کا جو بجٹ ہے وہی دال کا بجٹ

گرمی جو آئی گھر کا ہوا دان کھل گیا

ساحل پہ جب گیا تو ہر انسان کھل گیا

جو تم پرفیوم میں ڈبکی لگا کر روز آتی ہو

فضا تم سے معطر ہے ہوا میں کچھ نہیں رکھا

اب گھر کے دریچے میں آئے گی ہوا کیسے

آگے بھی پلازا ہے پیچھے بھی پلازا ہے

جو لغت کو توڑ مروڑ دے جو غزل کو نثر سے جوڑ دے

میں وہ بد مذاق سخن نہیں وہ جدیدیا کوئی اور ہے

دو چار دن سے میری سماعت بلاک تھی

تم نے غزل پڑھی تو مرا کان کھل گیا

ٹی وی کا یہ مذاق ادیبوں کے ساتھ ہے

شاعر سے دگنا رکھ دیا قوال کا بجٹ

بکتی ہے اب کتاب بھی کیسٹ کے ریٹ پہ

کیسے بنے گا غالبؔ و اقبالؔ کا بجٹ

بچھڑے تھے جب یہ لوگ مہینہ تھا جون کا

سوہنی بنا رہی تھی مہینوال کا بجٹ