کیوں آئینہ کہیں اسے پتھر نہ کیوں کہیں

جس آئینے میں عکس نہ اس کا دکھائی دے

چاہے سونے کے فریم میں جڑ دو

آئنہ جھوٹ بولتا ہی نہیں

آئنہ یہ تو بتاتا ہے کہ میں کیا ہوں مگر

آئنہ اس پہ ہے خاموش کہ کیا ہے مجھ میں

میں جس کے ہاتھ میں اک پھول دے کے آیا تھا

اسی کے ہاتھ کا پتھر مری تلاش میں ہے

اتنے حصوں میں بٹ گیا ہوں میں

میرے حصے میں کچھ بچا ہی نہیں

تشنگی کے بھی مقامات ہیں کیا کیا یعنی

کبھی دریا نہیں کافی کبھی قطرہ ہے بہت

میں تو غزل سنا کے اکیلا کھڑا رہا

سب اپنے اپنے چاہنے والوں میں کھو گئے

جتنے موسم ہیں سبھی جیسے کہیں مل جائیں

ان دنوں کیسے بتاؤں جو فضا ہے مجھ میں

کیسی عجیب شرط ہے دیدار کے لیے

آنکھیں جو بند ہوں تو وہ جلوہ دکھائی دے

آئنہ یہ تو بتاتا ہے میں کیا ہوں لیکن

آئنہ اس پہ ہے خاموش کہ کیا ہے مجھ میں

زندگی سے بڑی سزا ہی نہیں

اور کیا جرم ہے پتا ہی نہیں

سچ گھٹے یا بڑھے تو سچ نہ رہے

جھوٹ کی کوئی انتہا ہی نہیں

ہوس نے توڑ دی برسوں کی سادھنا میری

گناہ کیا ہے یہ جانا مگر گناہ کے بعد

یہی ملنے کا سمے بھی ہے بچھڑنے کا بھی

مجھ کو لگتا ہے بہت اپنے سے ڈر شام کے بعد

اک طرف قانون ہے اور اک طرف انسان ہے

ختم ہوتا ہی نہیں جرم و سزا کا سلسلہ

موسم ہیں دو ہی عشق کے صورت کوئی بھی ہو

ہیں اس کے پاس آئنے ہجر و وصال کے

زندگی سے بڑی سزا ہی نہیں

اور کیا جرم ہے پتا ہی نہیں

جیسے ان دیکھے اجالے کی کوئی دیوار ہو

بند ہو جاتا ہے کچھ دوری پہ ہر اک راستا

ایسا نہ ہو گناہ کی دلدل میں جا پھنسوں

اے میری آرزو مجھے لے چل سنبھال کے

مٹے یہ شبہ تو اے دوست تجھ سے بات کریں

ہماری پہلی ملاقات آخری تو نہیں