kabhī fāsloñ kī masāfatoñ pe ubuur ho to ye kah sukūñ

mirā jurm hasrat-e-qurb hai to yahī kamī yahāñ sab meñ hai

kabhi faslon ki masafaton pe ubur ho to ye kah sukun

mera jurm hasrat-e-qurb hai to yahi kami yahan sab mein hai

merī āñkhoñ hī meñ the an-kahe pahlū us ke

vo jo ik baat sunī merī zabānī tum ne

meri aankhon hi mein the an-kahe pahlu us ke

wo jo ek baat suni meri zabani tum ne

nūr-e-sahar kahāñ hai agar shām-e-ġham ga.ī

kab iltifāt thā ki jo ḳhū-e-sitam ga.ī

nur-e-sahar kahan hai agar sham-e-gham gai

kab iltifat tha ki jo KHu-e-sitam gai

kyā kyā pukāreñ sisaktī dekhīñ lafzoñ ke zindānoñ meñ

chup hī kī talqīn kare hai ġhairat-mañd zamīr hameñ

kya kya pukaren sisakti dekhin lafzon ke zindanon mein

chup hi ki talqin kare hai ghairat-mand zamir hamein

sahar-e-azal ko jo dī ga.ī vahī aaj tak hai musāfirī

ai tai kareñ to pata chale kahāñ kaun kis kī talab meñ hai

sahar-e-azal ko jo di gai wahi aaj tak hai musafiri

ai tai karen to pata chale kahan kaun kis ki talab mein hai