apnī pahchān bhiiḌ meñ kho kar

ḳhud ko kamroñ meñ DhūñDte haiñ log

apni pahchan bhiD mein kho kar

KHud ko kamron mein DhunDte hain log

biich kā baḌhtā huā har fāsla le jā.egā

ek tūfāñ aa.egā sab kuchh bahā le jā.egā

bich ka baDhta hua har fasla le jaega

ek tufan aaega sab kuchh baha le jaega

udāsī akele meñ Dar jā.egī

ghaḌī-do-ghaḌī ko ḳhushī bhej de

udasi akele mein Dar jaegi

ghaDi-do-ghaDi ko KHushi bhej de

yādoñ kī rut ke aate hī sab ho ga.e hare

ham to samajh rahe the sabhī zaḳhm bhar ga.e

yaadon ki rut ke aate hi sab ho gae hare

hum to samajh rahe the sabhi zaKHm bhar gae

zarā sī baat thī terā bichhaḌnā

zarā sī baat se kyā kuchh huā hai

zara si baat thi tera bichhaDna

zara si baat se kya kuchh hua hai

ham 'kabīr' is kaal ke khaḌe haiñ ḳhālī haath

sañg kisī ke ham nahīñ aur ham sab ke saath

hum 'kabir' is kal ke khaDe hain KHali hath

sang kisi ke hum nahin aur hum sab ke sath

man meñ dhartī sī lalak āñkhoñ meñ ākāsh

yaad ke āñgan meñ rahā chehre kā parkāsh

man mein dharti si lalak aankhon mein aakash

yaad ke aangan mein raha chehre ka parkash

man raftār se bhāgtā jaatā hai kis or

palak jhapakte shaam hai palak jhapakte bhor

man raftar se bhagta jata hai kis or

palak jhapakte sham hai palak jhapakte bhor

yaad aa.ī pardes meñ us kī ik ik baat

ghar kā din hī din miyāñ ghar kī raat hī raat

yaad aai pardes mein us ki ek ek baat

ghar ka din hi din miyan ghar ki raat hi raat