dikhao tan tan ghaDi na mohan ghaDi mein kuchh hai ghaDi mein kuchh hai

dikhāo tan tan ghaḌī na mohan ghaḌī meñ kuchh hai ghaḌī meñ kuchh hai

hai chand roza ye husn-o-jauban ghaḌī meñ kuchh hai ghaḌī meñ kuchh hai

farāz khaTkā nasheb kā hai buā ye aalam fareb kā hai

sadā hai ghaḌiyāl kī ye Than Than ghaḌī meñ kuchh hai ghaḌī meñ kuchh hai

kahā jo 'anqā' ne jā.ūñgī ab huzūr kal-val ko ā.ūñgī ab

to kahte kyā haiñ pakaḌ ke dāman ghaḌī meñ kuchh hai ghaḌī meñ kuchh hai

na rah tū begam buā kashīdī jo rakkhe ranDī muā vo shīdī

to tū bhī jā jā ke khel sāvan ghaḌī meñ kuchh hai ghaḌī meñ kuchh hai

na meḳh parde meñ gaaḌ baajī kisī se tū mat bigāḌ baajī

uḌegā bād-e-fanā se chilman ghaḌī meñ kuchh hai ghaḌī meñ kuchh hai

ghaḌī buā das bajāne ko hai hamārā dūlhā bhī aane ko hai

ghaḌī ghaḌī khol tū na rauzan ghaḌī meñ kuchh hai ghaḌī meñ kuchh hai

karo na tausan havā chaman meñ na Daalo san san kisī ke man meñ

jamā jamā kar na baiTho aasan ghaḌī meñ kuchh hai ghaḌī meñ kuchh hai

utaar saaya pahan le saarī dikhā de jauban kī mīnā-kārī

na kar tū naḳhre bahut firañgan ghaḌī meñ kuchh hai ghaḌī meñ kuchh hai

karāo jalse bulāo hamdam uḌaao chhīñTe to dam-damā-dam

nahīñ hai dam kā bharosā sāqan ghaḌī meñ kuchh hai ghaḌī meñ kuchh hai

kisī se rakkho kapaT na khaTpaT ghaḌī kī kahtī hai saaf khaTpaT

sahelī khaT hī se dīd-o-darshan ghaḌī meñ kuchh hai ghaḌī meñ kuchh hai

ġhurūr-e-bejā hai māl-o-zar kā ye qaul sach hai kisī bashar kā

sadā-e-zar kā hai qaul khan-khan ghaḌī meñ kuchh hai ghaḌī meñ kuchh hai

paḌe na nāzuk ragoñ pe chhālā hai jild kā rañg kaalā kaalā

ghaḌī kalā.ī kī khol bakkan ghaḌī meñ kuchh hai ghaḌī meñ kuchh hai

navāb kamre meñ jā rahe haiñ musāhib un ko banā rahe haiñ

ghaḌī se qibla sajāo āñgan ghaḌī meñ kuchh hai ghaḌī meñ kuchh hai

zabān-e-mohsin hai mast qumrī ġhazal hai jaadū balā hai Thumrī

magar kisī kā rahā na jauban ghaḌī meñ kuchh hai ghaḌī meñ kuchh hai

dikhao tan tan ghaDi na mohan ghaDi mein kuchh hai ghaDi mein kuchh hai

hai chand roza ye husn-o-jauban ghaDi mein kuchh hai ghaDi mein kuchh hai

faraaz khaTka nasheb ka hai bua ye aalam fareb ka hai

sada hai ghaDiyal ki ye Than Than ghaDi mein kuchh hai ghaDi mein kuchh hai

kaha jo 'anqa' ne jaungi ab huzur kal-wal ko aaungi ab

to kahte kya hain pakaD ke daman ghaDi mein kuchh hai ghaDi mein kuchh hai

na rah tu begam bua kashidi jo rakkhe ranDi mua wo shidi

to tu bhi ja ja ke khel sawan ghaDi mein kuchh hai ghaDi mein kuchh hai

na meKH parde mein gaD baji kisi se tu mat bigaD baji

uDega baad-e-fana se chilman ghaDi mein kuchh hai ghaDi mein kuchh hai

ghaDi bua das bajaane ko hai hamara dulha bhi aane ko hai

ghaDi ghaDi khol tu na rauzan ghaDi mein kuchh hai ghaDi mein kuchh hai

karo na tausan hawa chaman mein na Dalo san san kisi ke man mein

jama jama kar na baiTho aasan ghaDi mein kuchh hai ghaDi mein kuchh hai

utar saya pahan le sari dikha de jauban ki mina-kari

na kar tu naKHre bahut firangan ghaDi mein kuchh hai ghaDi mein kuchh hai

karao jalse bulao hamdam uDao chhinTe to dam-dama-dam

nahin hai dam ka bharosa saqan ghaDi mein kuchh hai ghaDi mein kuchh hai

kisi se rakkho kapaT na khaTpaT ghaDi ki kahti hai saf khaTpaT

saheli khaT hi se did-o-darshan ghaDi mein kuchh hai ghaDi mein kuchh hai

ghurur-e-beja hai mal-o-zar ka ye qaul sach hai kisi bashar ka

sada-e-zar ka hai qaul khan-khan ghaDi mein kuchh hai ghaDi mein kuchh hai

paDe na nazuk ragon pe chhaala hai jild ka rang kala kala

ghaDi kalai ki khol bakkan ghaDi mein kuchh hai ghaDi mein kuchh hai

nawab kamre mein ja rahe hain musahib un ko bana rahe hain

ghaDi se qibla sajao aangan ghaDi mein kuchh hai ghaDi mein kuchh hai

zaban-e-mohsin hai mast qumri ghazal hai jadu bala hai Thumri

magar kisi ka raha na jauban ghaDi mein kuchh hai ghaDi mein kuchh hai