gai thi dekhne baji main suraj-kunD ka mela

ga.ī thī dekhne baajī maiñ sūraj-kunD kā melā

bachī huuñ piste piste marduoñ kā ye huā relā

lage dhakke pe dhakke aise añgiyā ho ga.ī purze

mirī patthar kī chhātī thī sitam maiñ ne jo ye jhelā

ajī patthar paḌeñ aisī hañsī par nekī-ḳhānam kī

lagā hai uuñhī kaisā aa ke merī aañkh meñ Dhelā

fatah-ḳhāñ naam hai us kā vo hai dukhnī savāroñ meñ

usī par maiñ huuñ martī ai buā bāñdhe hai jo selā

mujhe kasbī samajh kar ghūrtā thā mujh ko mele meñ

mahīnoñ bā.ī-jī laḌkā mirī godī meñ jo khelā

saḳhāvat kā pata kosoñ talak baajī nahīñ miltā

huā hātim bhī kyā jā ke nigoḌe som kā chhailā

kisī ne aaj kal mujh ko diyā jo ek bhī paisa

maiñ samjhī maarā hātim ne ye sar meñ som ke Dhelā

hamesha se nahīñ kuchh mard kī ranDī ko ḳhvāhish hai

mirī nārañgiyoñ se aap kā behtar nahīñ kelā

tire sadqe meñ maiñ ne 'jān'-sāhab aan kar dekhā

sunā kartī thī barsoñ se maiñ sūraj-kunD kā melā

gai thi dekhne baji main suraj-kunD ka mela

bachi hun piste piste marduon ka ye hua rela

lage dhakke pe dhakke aise angiya ho gai purze

meri patthar ki chhati thi sitam main ne jo ye jhela

aji patthar paDen aisi hansi par neki-KHanam ki

laga hai unhi kaisa aa ke meri aankh mein Dhela

fatah-KHan nam hai us ka wo hai dukhni sawaron mein

usi par main hun marti ai bua bandhe hai jo sela

mujhe kasbi samajh kar ghurta tha mujh ko mele mein

mahinon bai-ji laDka meri godi mein jo khela

saKHawat ka pata koson talak baji nahin milta

hua hatim bhi kya ja ke nigoDe som ka chhaila

kisi ne aaj kal mujh ko diya jo ek bhi paisa

main samjhi mara hatim ne ye sar mein som ke Dhela

hamesha se nahin kuchh mard ki ranDi ko KHwahish hai

meri narangiyon se aap ka behtar nahin kela

tere sadqe mein main ne 'jaan'-sahab aan kar dekha

suna karti thi barson se main suraj-kunD ka mela