kah di mahtab ne mehran se mulaqat ki baat

kah dī mahtāb ne mehran se mulāqāt kī baat

peT kī halkī hai ik din na pachī raat kī baat

aap ke dam meñ jo aa jaatī huuñ maiñ bhūlī huuñ

ghātī tum ho to tumheñ sūjhtī hai ghaat kī baat

mirzā haadī sā valī hai yahāñ murshid ranDī

bī banātā hai ye bātoñ meñ karāmāt kī baat

nek-baḳhtī meñ lage ashrafī-ḳhānam baTTā

kah ke Taksāl chaḌhūñ us mue bad-zāt kī baat

samjho matlab to zarā kyā kiyā samdhan ne mirī

ta.an kī ta.an hai ye aur ajī baat kī baat

ek din kā jo ho mehmān to kiije ḳhātir

roz kī kis ko ḳhush aatī hai mudārāt kī baat

baat bhī apnī ga.ī aur na chaḌhā daav pe vo

'jān' sāhab ne baḌī chaal se kī maat kī baat

kah di mahtab ne mehran se mulaqat ki baat

peT ki halki hai ek din na pachi raat ki baat

aap ke dam mein jo aa jati hun main bhuli hun

ghati tum ho to tumhein sujhti hai ghat ki baat

mirza hadi sa wali hai yahan murshid ranDi

bi banata hai ye baaton mein karamat ki baat

nek-baKHti mein lage ashrafi-KHanam baTTa

kah ke Taksal chaDhun us mue bad-zat ki baat

samjho matlab to zara kya kiya samdhan ne meri

tan ki tan hai ye aur aji baat ki baat

ek din ka jo ho mehman to kije KHatir

roz ki kis ko KHush aati hai mudaraat ki baat

baat bhi apni gai aur na chaDha daw pe wo

'jaan' sahab ne baDi chaal se ki mat ki baat