KHilaf kahti hain huren ki hai qamar ka sa

ḳhilāf kahtī haiñ hūreñ ki hai qamar kā sā

hameñ nazar nahīñ aatā hai us bashar kā sā

nazar to aatā hai miTtā vo naqsha shar kā sā

duā meñ detā hai mālūm kuchh asar kā sā

gharauñde yuuñ to bahut dekh Daale begam ne

mazā milā na magar shaiḳh-jī ke ghar kā sā

hue na kasbī ko dil de ke āḳhirash hairān

maiñ pahle samjhī thī saudā hai ye zarar kā sā

nahīñ vo paan se karte haiñ surḳh suut kā muñh

lagāte haiñ dil-e-bismil meñ ek charkā sā

uThā.ī ruḳh se dilā.ī jo dūlhā ne baajī

ziyā-e-husn se jalva huā qamar kā sā

tumhāre dil sā na kho jaa.e koī aalam meñ

na koī gum ho jahāñ meñ mirī kamar kā sā

ye ḳhat navāb ko pahuñchā do maamā maiñ vaarī

banā lo ruup buā aaj nāma-bar kā sā

hazār chāhtī huuñ bolūñ un se ho ke niDar

yahī to Dar hai ki lagtā hai mujh ko dhaḌkā sā

vo DāñTā shaiḳh ko begam kī chashm-e-pur-ḳhūñ ne

huā zarā meñ vo mālūm vaañ se sarkā sā

nigoḌī vasl kī shab bhī huā na chain nasīb

lagā rahā buā khaTkā muuī sahar kā sā

suḳhan kī pariyoñ ko le kar sarīr-e-mazmūn par

havā meñ uḌtā hai 'mohsin' lagā ke par kā sā

KHilaf kahti hain huren ki hai qamar ka sa

hamein nazar nahin aata hai us bashar ka sa

nazar to aata hai miTta wo naqsha shar ka sa

dua mein deta hai malum kuchh asar ka sa

gharaunde yun to bahut dekh Dale begam ne

maza mila na magar shaiKH-ji ke ghar ka sa

hue na kasbi ko dil de ke aaKHirash hairan

main pahle samjhi thi sauda hai ye zarar ka sa

nahin wo pan se karte hain surKH sut ka munh

lagate hain dil-e-bismil mein ek charka sa

uThai ruKH se dilai jo dulha ne baji

ziya-e-husn se jalwa hua qamar ka sa

tumhaare dil sa na kho jae koi aalam mein

na koi gum ho jahan mein meri kamar ka sa

ye KHat nawab ko pahuncha do mama main wari

bana lo rup bua aaj nama-bar ka sa

hazar chahti hun bolun un se ho ke niDar

yahi to Dar hai ki lagta hai mujh ko dhaDka sa

wo DanTa shaiKH ko begam ki chashm-e-pur-KHun ne

hua zara mein wo malum wan se sarka sa

nigoDi wasl ki shab bhi hua na chain nasib

laga raha bua khaTka mui sahar ka sa

suKHan ki pariyon ko le kar sarir-e-mazmun par

hawa mein uDta hai 'mohsin' laga ke par ka sa