KHuda ne di hai bi nam-e-KHuda kis shan ki surat

ḳhudā ne dī hai bī nām-e-ḳhudā kis shaan kī sūrat

ḳhudā shāhid hai so maiñ ek bandī 'jān' kī sūrat

mirī mainā to ik jañglū thī ik insān kī sūrat

lagā ke dil banī haivān se haivān kī sūrat

vo dil hī aur thā parvānī thī jo sham' vaale par

paḌhūñ lā-haul ab dekhūñ jo us shaitān kī sūrat

jue meñ bail haar arna mire jhagḌe meñ chhoḌ aayā

qadīmī faiz-ābādī kā gāḌībān kī sūrat

vo sonā phaT paḌe jis se ki TūTeñ kaan ai gauhar

pahan ke bāliyāñ kundan ne kī kyā kaan kī sūrat

buā vo jānvar jaisī bheñsā-pārī kī kasbī ne

jalī huuñ ye mohabbat uḌ ga.ī us baan kī sūrat

hañsī achchhī nahīñ yāsīn muñh par thuuk dene kī

adab lāzim hai chehre kā miyāñ qur.ān kī sūrat

na kyūñkar āñsuoñ se ye raheñ palkeñ mirī bhīgī

sadā paanī meñ rahtā khet hai ye dhaan kī sūrat

mire vahshī banāyā aa ke is jangal meñ ghar tū ne

jahāñ kosoñ nazar aatī nahīñ insān kī sūrat

mujhe us nas-kaTe ke haath se ye ranj pahuñchā hai

kabhī dekhūñ na mūñgā us mue marjān kī sūrat

mire navvāb se dūlhan kā apnī muñh vo Dhankvā.eñ

mue ik surḳh-rū hone ke mūñgā-jān kī sūrat

mujhe nafrat hai sūrat se nigoḌe jān-sāhab kī

vo us kī shakl kyā hai ai buā qurbān kī sūrat

KHuda ne di hai bi nam-e-KHuda kis shan ki surat

KHuda shahid hai so main ek bandi 'jaan' ki surat

meri maina to ek janglu thi ek insan ki surat

laga ke dil bani haiwan se haiwan ki surat

wo dil hi aur tha parwani thi jo sham' wale par

paDhun la-haul ab dekhun jo us shaitan ki surat

jue mein bail haar arna mere jhagDe mein chhoD aaya

qadimi faiz-abaadi ka gaDiban ki surat

wo sona phaT paDe jis se ki TuTen kan ai gauhar

pahan ke baaliyan kundan ne ki kya kan ki surat

bua wo jaanwar jaisi bhensa-pari ki kasbi ne

jali hun ye mohabbat uD gai us ban ki surat

hansi achchhi nahin yasin munh par thuk dene ki

adab lazim hai chehre ka miyan quran ki surat

na kyunkar aansuon se ye rahen palken meri bhigi

sada pani mein rahta khet hai ye dhan ki surat

mere wahshi banaya aa ke is jangal mein ghar tu ne

jahan koson nazar aati nahin insan ki surat

mujhe us nas-kaTe ke hath se ye ranj pahuncha hai

kabhi dekhun na munga us mue marjaan ki surat

mere nawwab se dulhan ka apni munh wo Dhankwaen

mue ek surKH-ru hone ke munga-jaan ki surat

mujhe nafrat hai surat se nigoDe jaan-sahab ki

wo us ki shakl kya hai ai bua qurban ki surat