phir gaya tabla bajaane aaj gauhar-jaan ka

phir gayā tabla bajāne aaj gauhar-jān kā

kaisā nañgā hai nigoḌā baap chandra-bhān kā

ḳhaak gā.egā nigoḌā shaiḳh apnī bazm meñ

jāntā sur hī nahīñ bhaḌvā jo apnī taan kā

chhānte haiñ rāt-bhar dūlhā-miyāñ chakle kī ḳhaak

ḳhaak nikle hausla phir hasrat-o-armān kā

kyuuñ kaḌī sunte kisī kī dil na aa jaatā agar

kyā karūñ shikva buā apne dil-e-nādān kā

dast-basta ma.azarat par bhī na bolīñ rāt-bhar

ham pe vājib shukriya hai suut ke ehsān kā

pāñdāñ bhaḌve ke sar par maar dūñgī aaj maiñ

saut kā bhejā huā khāyā jo biiḌā paan kā

kyuuñ na ranjīda ho 'mohsin' do mahīne se buā

ḳhat nahīñ lahore se aayā ilāhī-jān kā

phir gaya tabla bajaane aaj gauhar-jaan ka

kaisa nanga hai nigoDa bap chandra-bhan ka

KHak gaega nigoDa shaiKH apni bazm mein

jaanta sur hi nahin bhaDwa jo apni tan ka

chhante hain raat-bhar dulha-miyan chakle ki KHak

KHak nikle hausla phir hasrat-o-arman ka

kyun kaDi sunte kisi ki dil na aa jata agar

kya karun shikwa bua apne dil-e-nadan ka

dast-basta mazarat par bhi na bolin raat-bhar

hum pe wajib shukriya hai sut ke ehsan ka

pandan bhaDwe ke sar par mar dungi aaj main

saut ka bheja hua khaya jo biDa pan ka

kyun na ranjida ho 'mohsin' do mahine se bua

KHat nahin lahore se aaya ilahi-jaan ka