tisre chauthe bhi aate nahin ghar aap se aap

tīsre chauthe bhī aate nahīñ ghar aap se aap

bandī phir kyuuñ na ho āmāda-e-shar aap se aap

gardish-e-pīr-e-falak ke buā khā kar chakkar

sīdhā ho jaatā hai kaj-ḳhulq bashar aap se aap

teġh-e-abrū ke agar dekh leñ jauhar baajī

chhoḌ deñ aaj miyāñ tīr-o-tabar aap se aap

dekhnā paan kī jā ḳhaak na bhar duuñ muñh meñ

shaiḳh uljhe to muā ḳhāk-ba-sar aap se aap

paalā ustād se jab tak na paḌegā ḳhāla

chhoḌne kā nahīñ laala mirā dar aap se aap

ham bigaḌte nahīñ aise ki buā man jaa.eñ

vo manāyā kareñ sau baar agar aap se aap

karo tadbīr vo guyyāñ ki miyāñ tark kareñ

coat patlūn se hotel kā dinner aap se aap

aisī tadbīr ho maamā ki na ho naam mirā

shauq se aa.eñ jo aanā ho magar aap se aap

chauk meñ chāk-e-girebāñ pe machalnā kaisā

karte kyuuñ zid haiñ vahī bār-e-digar aap se aap

aisā nusḳha koī tajvīz karo tum 'anqā'

jaatā 'mohsin' kā rahe dard-e-jigar aap se aap

tisre chauthe bhi aate nahin ghar aap se aap

bandi phir kyun na ho aamada-e-shar aap se aap

gardish-e-pir-e-falak ke bua kha kar chakkar

sidha ho jata hai kaj-KHulq bashar aap se aap

tegh-e-abru ke agar dekh len jauhar baji

chhoD den aaj miyan tir-o-tabar aap se aap

dekhna pan ki ja KHak na bhar dun munh mein

shaiKH uljhe to mua KHak-ba-sar aap se aap

pala ustad se jab tak na paDega KHala

chhoDne ka nahin lala mera dar aap se aap

hum bigaDte nahin aise ki bua man jaen

wo manaya karen sau bar agar aap se aap

karo tadbir wo guyyan ki miyan tark karen

coat patlun se hotel ka dinner aap se aap

aisi tadbir ho mama ki na ho nam mera

shauq se aaen jo aana ho magar aap se aap

chauk mein chaak-e-gireban pe machalna kaisa

karte kyun zid hain wahi bar-e-digar aap se aap

aisa nusKHa koi tajwiz karo tum 'anqa'

jata 'mohsin' ka rahe dard-e-jigar aap se aap