injil ki surat kabhi tauraat ke manind

injīl kī sūrat kabhī taurāt ke mānind

alfāz 'atā kar mujhe āyāt ke mānind

bedār kiyā zulmat-e-shab se jo azaañ ne

hai haal mirā hur tire hālāt ke mānind

aane ko hai shāyad ġham-e-shabbīr kā mausam

kyoñ aañkh barasne lagī barsāt ke mānind

hai qāsim-e-naushāh kī mid.hat kā irāda

alfāz chale aate haiñ bārāt ke mānind

inkār ne bai'at kā mahal toḌ diyā hai

tūfān se barbād makānāt ke mānind

māñge haiñ ruḳh-e-jaun se sūraj ne ujāle

muhtāj ke hoñToñ kī munājāt ke mānind

shā'ir huuñ sakīna kā maiñ koī bhī tasavvur

mā'sūm kahāñ mere ḳhayālāt ke mānind

din bhī nahīñ guzrā koī us din kī tarah se

aur raat bhī aa.ī nahīñ us raat ke mānind

ham baiThe raheñ majlis-e-shabbīr meñ 'mohkam'

aur sadiyāñ guzartī raheñ lamhāt ke mānind

injil ki surat kabhi tauraat ke manind

alfaz 'ata kar mujhe aayat ke manind

bedar kiya zulmat-e-shab se jo azan ne

hai haal mera hur tere haalat ke manind

aane ko hai shayad gham-e-shabbir ka mausam

kyon aankh barasne lagi barsat ke manind

hai qasim-e-naushah ki midhat ka irada

alfaz chale aate hain baraat ke manind

inkar ne bai'at ka mahal toD diya hai

tufan se barbaad makanat ke manind

mange hain ruKH-e-jaun se suraj ne ujale

muhtaj ke honTon ki munajat ke manind

sha'ir hun sakina ka main koi bhi tasawwur

ma'sum kahan mere KHayalat ke manind

din bhi nahin guzra koi us din ki tarah se

aur raat bhi aai nahin us raat ke manind

hum baiThe rahen majlis-e-shabbir mein 'mohkam'

aur sadiyan guzarti rahen lamhat ke manind