jab jab suna gaya hai tera tazkira husain

jab jab sunā gayā hai tirā tazkira husain

āñkhoñ meñ jhilmilā.ī shab-e-karbalā husain

nahr-e-furāt sharm agar ho to Duub mar

tere qarīb rah ke bhī pyāsā rahā husain

ik ek phuul apne chaman kā luTā diyā

laa.e kahāñ se koī kaleja tirā husain

rāh-e-ḳhudā meñ nazr dī nannhī sī jaan kī

duniyā na de sakegī koī dūsrā husain

pūchhā gayā ki kis pe shahādat ko naaz hai

har shaḳhs kī zabāñ pe yahī shor thā husain

āġhosh-e-mustafā meñ tirī parvarish huī

ab aur kyā bayāñ ho tirā martaba husain

bai'at na kī husain ne dast-e-yazīd par

mafhūm-e-haq yuuñ duniyā ko samjhā gayā husain

sajda tavīl kar diyā sarkār ne mire

pusht-e-rasūl-e-pāk pe thā kheltā husain

jab jab suna gaya hai tera tazkira husain

aankhon mein jhilmilai shab-e-karbala husain

nahr-e-furaat sharm agar ho to Dub mar

tere qarib rah ke bhi pyasa raha husain

ek ek phul apne chaman ka luTa diya

lae kahan se koi kaleja tera husain

rah-e-KHuda mein nazr di nannhi si jaan ki

duniya na de sakegi koi dusra husain

puchha gaya ki kis pe shahadat ko naz hai

har shaKHs ki zaban pe yahi shor tha husain

aaghosh-e-mustafa mein teri parwarish hui

ab aur kya bayan ho tera martaba husain

bai'at na ki husain ne dast-e-yazid par

mafhum-e-haq yun duniya ko samjha gaya husain

sajda tawil kar diya sarkar ne mere

pusht-e-rasul-e-pak pe tha khelta husain