jab tak saron pe dhup ka KHadsha nahin hua

jab tak saroñ pe dhuup kā ḳhadsha nahīñ huā

sunsān rāstoñ meñ bhī ḳhatra nahīñ huā

dukh-dard apne she'r meñ rakkhe to haiñ magar

tahrīr baap kā koī nuqta nahīñ huā

hālāñki roz-o-shab meñ ka.ī moḌ the magar

ik baap ke vujūd se faaqa nahīñ huā

jhurriyoñ meñ aa ga.ī thī masāfat kī dāstāñ

yuuñ hī tamām 'umr kā rasta nahīñ huā

kitne tafakkurāt ko sahtā rahā magar

ḳhūgar ġhamoñ se baap kā chehra nahīñ huā

har ġham meñ ġham-gusār lagī karbalā hameñ

dil meñ sivā husain ke ġhalba nahīñ huā

‘ishq-e-nabī butūl 'alī aur hasan husain

sad-shukr munkiroñ meñ ye virsa nahīñ huā

ik tiir jis ne chhed diyā baap kā jigar

āsān ghar luTāne kā vā'da nahīñ huā

aañsū kī qadr jā ke sakīna se pūchh lo

jī bhar ke jis se baap pe girya nahīñ huā

kyoñ hañs paḌā thā god meñ asġhar sā gul-badan

hal aaj bhī kisī se ye nukta nahīñ huā

sajjād ḳhuuñ ugalte rahe ek 'umr tak

ojhal nazar se dard kā kuufa nahīñ huā

ehsān kis tarah se raqam hoñ ki 'umr-bhar

'ḳhurram' thakan kā baap kī charchā nahīñ huā

jab tak saron pe dhup ka KHadsha nahin hua

sunsan raston mein bhi KHatra nahin hua

dukh-dard apne she'r mein rakkhe to hain magar

tahrir bap ka koi nuqta nahin hua

haalanki roz-o-shab mein kai moD the magar

ek bap ke wujud se faqa nahin hua

jhurriyon mein aa gai thi masafat ki dastan

yun hi tamam 'umr ka rasta nahin hua

kitne tafakkuraat ko sahta raha magar

KHugar ghamon se bap ka chehra nahin hua

har gham mein gham-gusar lagi karbala hamein

dil mein siwa husain ke ghalba nahin hua

‘ishq-e-nabi butul 'ali aur hasan husain

sad-shukr munkiron mein ye wirsa nahin hua

ek tir jis ne chhed diya bap ka jigar

aasan ghar luTane ka wa'da nahin hua

aansu ki qadr ja ke sakina se puchh lo

ji bhar ke jis se bap pe girya nahin hua

kyon hans paDa tha god mein asghar sa gul-badan

hal aaj bhi kisi se ye nukta nahin hua

sajjad KHun ugalte rahe ek 'umr tak

ojhal nazar se dard ka kufa nahin hua

ehsan kis tarah se raqam hon ki 'umr-bhar

'KHurram' thakan ka bap ki charcha nahin hua