Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

تلاش کے نتائج

تلاش کا نتیجہ "maah-e-kaamil"

نظم کے متعلقہ نتیجہ "maah-e-kaamil"

نظم

ایک ماہ کامل ہے میرا
اس کائنات میں
جس کی روشنی میں
جگمگاتا ہے میرا عکس
منور ہیں میری راہیں
نور اس کا ہے پر سکون
وہ تجلی ہے راہ حیات کی
اس کی نرم و نازک شعاعوں سے
کوئے دل میں اجالا ہے
میرے ماہ کامل کو
میرے مولیٰ
محفوظ رکھنا

خدیجہ خان
نظم

ماہ کامل حیرت کی تصویر ہو جیسے
حد چاہ نخشب عالمگیر ہو جیسے
ہولی کے رنگوں کا دھوکہ
چہروں پر تحریر ہو جیسے
بھیگی رات میں آب شر انگیز کے مارے
مست ستارے
اپنی چالیں چوک رہے ہیں
دہلیزوں پر پگھلی شمعیں
نیلے بادل کے پردے میں اوجھل ہوتے
آنکھ کے تارے ڈھونڈ رہی ہیں
آئینوں سے نالاں نقش سے عاری چہرے
جذبوں کے عقدوں میں الجھے
مورتیوں کی مالا جپتے
کان میں حلقے ڈالے
گیروے بادل پہنے ناچ رہے ہیں
لال تلک میں آنکھ اگائے
شمعیں تھامے چوب اٹھائے
یک رنگی دستاریں جبے گنبد اوڑھے
صدیوں کی دیوار پہ روتے
رقص وحشت کا زہراب انڈیل رہے ہیں
نا بینائی کے پیغمبر
رنگ رچاتی
موت کی بولی بول رہے ہیں
چیخ رہے ہیں
ان کے پیراہن کو دیکھو
چہرے دیکھو آنکھیں دیکھو
دیکھو سب ہاتھوں کو دیکھو
جس پر رنگ نظر آ جائے
جان سے جائے

فیصل عظیم
نظم

وہ سیہ زلف وہ آنکھوں میں گلابی ڈورے
جیسے مے خانے پہ گھنگھور گھٹا چھا جائے
اور پھر اس پہ وہ مے پاش نگاہیں توبہ
آدمی کیا ہے فرشتوں کو خمار آ جائے

کامل چاند پوری
نظم

پھر یہ موسم یہ حسیں شام ملے یا نہ ملے
فرصت گردش ایام ملے یا نہ ملے
پھر تمہیں کاملؔ بدنام ملے یا نہ ملے

کامل چاند پوری
نظم

میری آنکھوں میں وہ رخصت کا سماں ہے اب بھی
اسی انداز سے دل گریہ کناں ہے اب بھی
ہائے وہ عارض گلگوں پہ مچلتے آنسو
ایک شعلہ سا مرے دل پہ رواں ہے اب بھی
سسکیوں سے بھرے لہجے میں خطوں کی تاکید
میرے دل پہ اسی لہجے کا نشاں ہے اب بھی
چار دن پہلے سے اک مہر خموشی لب پر
یاد مجھ کو تری خاموش فغاں ہے اب بھی
وہ ذرا بات پہ منہ پھیر کے رو رو دینا
میرے احساس پہ اک بار گراں ہے اب بھی
آخری شب کسے نیند آئی تھی پل بھر کے لئے
میرے کانوں میں وہ آواز اذاں ہے اب بھی
ایک بوسہ جو دیا تھا مرے پیراہن پر
پیرہن پر ترے ہونٹوں کا نشان ہے اب بھی
میرے احساس کے پرتو کو سمجھنے والی
ایک بستی مری ہستی میں نہاں ہے اب بھی
دل تری یاد سے غافل نہیں پل بھر کے لئے
تیری صورت مری آنکھوں میں نہاں ہے اب بھی
کس طرح دور ہو دوری کوئی تدبیر نہیں
بمبئی میں وہی تکلیف مکاں ہے اب بھی
اے مری روح غزل حسن غزل جان غزل
چین تجھ بن ترے کاملؔ کو کہاں ہے اب بھی

کامل چاند پوری
نظم

کسی کہسار کی آغوش میں گم ہو جائیں
نیند آ جائے جو کاملؔ تو وہیں سو جائیں

کامل چاند پوری
نظم

ان کی محفل اور جشن مے کشی میرے بغیر
دشمنوں کی آرزو بر آئے گی میرے بغیر
ہائے کل کیسی گھڑی آ جائے گی میرے بغیر
تم کرو گے بزم میں ساقی گری میرے بغیر
اے مری ناکامیو آؤ لپٹ جاؤ مجھے
تم بھی کل بے آسرا ہو جاؤ گی میرے بغیر
میں نے ہر محفل میں ہونٹوں پہ سجایا ہے اسے
کس کے منہ جا کر لگے گی تشنگی میرے بغیر
کل کسے چھیڑوگے منہ بھر بھر کے کوسو گے کسے
مضمحل ہوگی تمہاری برہمی میرے بغیر
میں نے سینے سے لگایا اس کو ساری زندگی
ٹھوکریں کھاتی پھرے گی بے کسی میرے بغیر
پڑ رہی تھیں خود مرے اوپر مری پرچھائیاں
کس کے گھر جا کر بسے گی تیرگی میرے بغیر
کتنے غم پلتے تھے میری اک اکیلی جان پر
گردش دوراں کی محفل لٹ گئی میرے بغیر
حال کیا ہے کوئی اتنا پوچھنے والا نہیں
سر چھپاتی پھر رہی ہے بے کلی میرے بغیر
میں تو کاملؔ چین سے ہوں موت کی آغوش میں
خاک اڑاتی پھر رہی ہے زندگی میرے بغیر

کامل چاند پوری
نظم

بل ہیں جبیں کے مطلع اول ہونٹ ہیں جیسے مطلع ثانی
قد کیا کہئے شعر ہے موزوں کاملؔ ہے تصویر غزل کی

کامل چاند پوری
نظم

اسے محسوس کرتا ہوں
نسیم صبح کے جھونکوں میں
سر سر کے تھپیڑوں میں
اماوس کے اندھیروں میں
مہ کامل کے شب افروز اجالوں میں

ارشد کمال
نظم

تمناؤں کے میلے اب نہیں لگتے کبھی دل میں
کشش باقی رہی کوئی نہ راہوں میں، نہ منزل میں
دھواں سا اب نظر آتا ہے مجھ کو ماہ کامل میں

شوکت پردیسی
نظم

آنکھ کے شیشوں میں اترے
ان گنت چہرے مگر
کوئی بھی نہ روح کا گوتم ہوا
اندھی گلیوں کے نگر میں
میں بھٹکتا ہی رہا
دل کے دروازے پہ دستک
تیرگی دیتی رہی
کوئی بھی نہ ماہ کامل
چاہتوں کی جھیل میں
عکس آرا ہو سکا

سید جاوید اختر
نظم

تھی مہ نو رفتہ رفتہ ماہ کامل بن گئی
شاعرانہ محفلوں میں شمع محفل بن گئی
حسن فطرت کی ادا فہمی کے قابل بن گئی
جب زباں کی تیز نشتر سے رگ دل بن گئی
کیا قیامت ہے کہ دل پر کچھ اثر لیتے نہیں
ہو رہا ہے خون اس کا تم خبر لیتے نہیں

صفی لکھنوی
نظم

کلائی میں تو چوڑی کا کھنکنا
غرض میں آئینہ تو ہے سنورنا
میں جیسے دشت میں ہوں راہ کوئی
تو اس پر اک مسافر کا گزرنا
میں جیسے تال دیتا ساز کوئی
تو رقاصہ کا اس لے پر تھرکنا
میں ہوں بے نور سی اک جھیل اور تو
ہے اس پر ماہ کامل کا اترنا
تو چہرہ خوب صورت میں ہوں پردہ
میرا مقصد تجھے محفوظ رکھنا
تیری زینت کا پہرے دار ہوں میں
تجھے خود سے الگ کیسے کروں میں

چندر شیکھر ورما
نظم

یہ بڑا چاند چمکتا ہوا چہرہ کھولے
بیٹھا رہتا ہے سر بام شبستاں شب کو
ہم تو اس شہر میں تنہا ہیں، ہمیں سے بولے
کون اس حسن کو دیکھے گا یہ اس سے پوچھو
سونے لگتی ہے سر شام یہ ساری دنیا
ان کے حجروں میں نہ در ہے نہ دریچہ کوئی
ان کی قسمت میں شب ماہ کو رونا کیسا
ان کے سینے میں نہ حسرت نہ تمنا کوئی

ابن انشا
نظم

ترے لطف و عطا کی دھوم سہی محفل محفل
اک شخص تھا انشا نام محبت میں کامل
یہ شخص یہاں پامال رہا، پامال گیا

ابن انشا
نظم

اپالو دس یہ کہتا ہے
نہیں اب دور وہ منزل
کہ جب مہتاب کی وادی
بنے گی کھیل کی محفل
یہ زریں کامیابی بھی
ہماری ہی بدولت ہے
ملے گا چاند پھولوں سے
کہ دھرتی ایک جنت ہے
ابھی تو چاند ہارا ہے
ستارے اور ہاریں گے
زمیں ہم نے سجائی ہے
فلک بھی ہم سنواریں گے
بزرگوں کی نگاہوں میں
یہ سب کچھ ایک جادو ہے
مگر اب وہم سابق پر
نئی دنیا کو قابو ہے
مبارک کوشش حاضر
کہ مستقبل ہمارا ہے
زمیں کے پھول اپنے ہیں
مہ کامل ہمارا ہے

سلام مچھلی شہری
نظم

تری روشن دماغی پر ہیں نازاں آسماں والے
تری نازک خیالی پر ہیں حیراں گلستاں والے
تری عظمت کے قائل دل سے ہیں سارے جہاں والے
سخن دانوں کی محفل میں تو شمع حسن محفل ہے
ستاروں میں ضیا افروز مثل ماہ کامل ہے
سمجھتے ہیں تجھے سالار اپنا کارواں والے
کہیں الفاظ میں حسن حقیقی کی ہیں تصویریں
کہیں اشعار میں رمز محبت کی ہیں تفسیریں
ترے دیواں کو جام جم سمجھتے ہیں جہاں والے
کہیں آنسو کہیں نغمے کہیں جلوے جوانی کے
ترے اشعار آئینے ہیں حال زندگانی کے
کہ جن میں اپنی صورت دیکھ لیتے ہیں جہاں والے
کہیں حب وطن کی آگ لفظوں میں بھری دیکھی
کہیں منظر نگاری کی حسیں جادوگری دیکھی
وہ تشبیہیں ہیں جن پر ناز کرتے ہیں زباں والے
جہاں تو نے ذرا برق جمال شعر چمکائی
وہیں اک زندگی کی لہر سی دوڑی نظر آئی
تری شعلہ نوائی پر ہیں چپ شبنم ستاں والے
ترے اشعار نے رنگ قبول عام پایا ہے
جہاں میں تو نے اپنی شعریت سے نام پایا ہے
ہمیشہ یاد رکھیں گے تجھے ہندوستاں والے

برج لال رعنا
نظم

ذرا مہلت تو دے مجھ کو
بسا لوں ان نگاہوں میں
وہ چہرا
جو مہ کامل سا روشن ہے
وہ چہرا جس نے ویرانے میں دل کے
کھلائے ہیں محبت کے گلستاں
وہ چہرا جس کے دم سے
ابھی تک ہوں میں زندہ
ذرا مہلت تو دے مجھ کو
میں ان زلفوں کی خوشبو کو
چرا کر مست آنچل سے
ہوا کے
میں اپنی روح کو کر لوں معطر
ذرا مہلت تو دے مجھ کو
میں لے کر روشنی کی چند کرنیں
ان نگاہوں سے
اندھیرے دور کر لوں اپنے دل کے
اسے پھر سامنے پا کر
طلب کر لوں اجازت رخصتی کی
ذرا مہلت تو دے مجھ کو
اکھڑتی سانس میری

مجیب شہزر
نظم

آصف الدولۂ مرحوم کی تعمیر کہن
جس کی صنعت کا نہیں صفحۂ ہستی پہ جواب
دیکھ سیاح اسے رات کے سناٹے میں
منہ سے اپنے مہ کامل نے جب الٹی ہو نقاب
در و دیوار نظر آتے ہیں کیا صاف و سبک
سحر کرتی ہے نگاہوں پہ ضیائے مہتاب
یہی ہوتا ہے گماں خاک سے مس اس کو نہیں
ہے سنبھالے ہوئے دامن میں ہوائے شاداب
یک بہ یک دیدۂ حیراں کو یہ شک ہوتا ہے
ڈھل کے سانچے میں زمیں پر اتر آیا ہے سحاب
بے خودی کہتی ہے آیا یہ فضا میں کیوں کر
کسی استاد مصور کا ہے یہ جلوۂ خواب
اک عجب منظر دلگیر نظر آتا ہے
دور سے عالم تصویر نظر آتا ہے

چکبست برج نرائن
نظم

کچھ نہیں کچھ بھی نہیں آج عزا خانے میں
آج خس خانۂ خواہش میں فقط راکھ ہے راکھ
وہ کسی دست ہنر ور کا تراشا ہوا تل
کف ضو ریز کو شرماتا تھا ماہ کامل
وہ تری ساعد سیمیں کا زمرد بھی خجل

اختر عثمان
Load More
Best poetry resource in urdu
تلاش
Get App
URD
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
بولیے