Sher on Bairaag

ḳhud-kushī qatl-e-anā tark-e-tamannā bairāg

zindagī tere nazar aane lage hal kitne

KHud-kushi qatl-e-ana tark-e-tamanna bairag

zindagi tere nazar aane lage hal kitne

pī ke bairāg kī udāsī suuñ

dil pe mere sadā udāsī hai

pi ke bairag ki udasi sun

dil pe mere sada udasi hai

batā.ūñ kis havāle se unheñ bairāg kā matlab

jo taare pūchhte haiñ raat ko ghar kyuuñ nahīñ jaatā

bataun kis hawale se unhen bairag ka matlab

jo tare puchhte hain raat ko ghar kyun nahin jata

nayyā bāñdho nadī kināre sakhī

chāñd bairāg raat tyaag lage

nayya bandho nadi kinare sakhi

chand bairag raat tyag lage

jis kuuñ piv ke hijr kā bairāg hai

aah kā majlis meñ us kī raag hai

jis kun piw ke hijr ka bairag hai

aah ka majlis mein us ki rag hai

roz malte haiñ muñh par apne bhabhūt

ishq meñ ham ne le liyā bairāg

roz malte hain munh par apne bhabhut

ishq mein hum ne le liya bairag

mīThe paanī kī naddī kyuuñ bahe samundar or

jis ke man meñ pyaar kā dhan ho kyuuñ le vo bairāg

miThe pani ki naddi kyun bahe samundar or

jis ke man mein pyar ka dhan ho kyun le wo bairag

roz malte haiñ muñh par apne bhabhūt

ishq meñ ham ne le liyā bairāg

roz malte hain munh par apne bhabhut

ishq mein hum ne le liya bairag

'mājid' ne bairāg liyā hai koī aisī baat nahīñ

idhar udhar kī bāteñ kar ke logoñ ko samjhāyā kar

'majid' ne bairag liya hai koi aisi baat nahin

idhar udhar ki baaten kar ke logon ko samjhaya kar

us kī bālak-haT ke aage ghar chhoḌā bairāg liyā

dekheñ kyā din dikhlātā hai ab ye mūrakh man baabā

us ki baalak-haT ke aage ghar chhoDa bairag liya

dekhen kya din dikhlata hai ab ye murakh man baba