بیراگ پر اشعار

خود کشی قتل انا ترک تمنا بیراگ

زندگی تیرے نظر آنے لگے حل کتنے

پی کے بیراگ کی اداسی سوں

دل پہ میرے سدا اداسی ہے

نیا باندھو ندی کنارے سکھی

چاند بیراگ رات تیاگ لگے

روز ملتے ہیں منہ پر اپنے بھبھوت

عشق میں ہم نے لے لیا بیراگ

بتاؤں کس حوالے سے انہیں بیراگ کا مطلب

جو تارے پوچھتے ہیں رات کو گھر کیوں نہیں جاتا

میٹھے پانی کی ندی کیوں بہے سمندر اور

جس کے من میں پیار کا دھن ہو کیوں لے وہ بیراگ

جس کوں پیو کے ہجر کا بیراگ ہے

آہ کا مجلس میں اس کی راگ ہے

روز ملتے ہیں منہ پر اپنے بھبھوت

عشق میں ہم نے لے لیا بیراگ

اس کی بالک ہٹ کے آگے گھر چھوڑا بیراگ لیا

دیکھیں کیا دن دکھلاتا ہے اب یہ مورکھ من بابا

ماجدؔ نے بیراگ لیا ہے کوئی ایسی بات نہیں

ادھر ادھر کی باتیں کر کے لوگوں کو سمجھایا کر