Bewafa Shayari

With great care, the top picks for wafa shayari have been put together. These are some heart wrenching shayari that will tug at your heart strings as you contemplate the rules of wafa in this world.

āshiqī meñ bahut zarūrī hai

bevafā.ī kabhī kabhī karnā

aashiqi mein bahut zaruri hai

bewafai kabhi kabhi karna

Bashir Badr

be-vafā tum bā-vafā maiñ dekhiye hotā hai kyā

ġhaiz meñ aane ko tum ho mujh ko pyaar aane ko hai

be-wafa tum ba-wafa main dekhiye hota hai kya

ghaiz mein aane ko tum ho mujh ko pyar aane ko hai

Agha Hajju Sharaf

bevafā.ī pe terī hai fidā

qahr hotā jo bā-vafā hotā

I sacrifice my heart upon your infidelity

were you faithful it would be a calamity

bewafai pe teri ji hai fida

qahr hota jo ba-wafa hota

I sacrifice my heart upon your infidelity

were you faithful it would be a calamity

Meer Taqi Meer

chalā thā zikr zamāne bevafā.ī

so aa gayā hai tumhārā ḳhayāl vaise

chala tha zikr zamane ki bewafai ka

so aa gaya hai tumhaara KHayal waise hi

Ahmad Faraz

dil bhī toḌā to salīqe se na toḌā tum ne

bevafā.ī ke bhī ādāb huā karte haiñ

dil bhi toDa to saliqe se na toDa tum ne

bewafai ke bhi aadab hua karte hain

Mahtab Alam

ik ajab haal hai ki ab us ko

yaad karnā bhī bevafā.ī hai

ek ajab haal hai ki ab us ko

yaad karna bhi bewafai hai

Jaun Eliya

ġhalat-ravī ko tirī maiñ ġhalat samajhtā huuñ

ye bevafā.ī bhī shāmil mirī vafā meñ hai

ghalat-rawi ko teri main ghalat samajhta hun

ye bewafai bhi shamil meri wafa mein hai

Asim Wasti

gila likhūñ maiñ agar terī bevafā.ī

lahū meñ ġharq safīna ho āshnā.ī

gila likhun main agar teri bewafai ka

lahu mein gharq safina ho aashnai ka

Sauda Mohammad Rafi

ham use yaad bahut ā.eñge

jab use bhī koī Thukrā.egā

hum use yaad bahut aaenge

jab use bhi koi Thukraega

Qateel Shifai

ham ne to ḳhud ko bhī miTā Daalā

tum ne to sirf bevafā.ī

hum ne to KHud ko bhi miTa Dala

tum ne to sirf bewafai ki

Khalilur Rahman Azmi

ham se koī ta.alluq-e-ḳhātir to hai use

vo yaar bā-vafā na sahī bevafā to hai

hum se koi talluq-e-KHatir to hai use

wo yar ba-wafa na sahi bewafa to hai

Jameel Malik

ham se kyā ho sakā mohabbat meñ

ḳhair tum ne to bevafā.ī

hum se kya ho saka mohabbat mein

KHair tum ne to bewafai ki

Firaq Gorakhpuri

is qadar musalsal thiiñ shiddateñ judā.ī

aaj pahlī baar us se maiñ ne bevafā.ī

is qadar musalsal thin shiddaten judai ki

aaj pahli bar us se main ne bewafai ki

Ahmad Faraz

jaao bhī kyā karoge mehr-o-vafā

bār-hā aazmā ke dekh liyā

jao bhi kya karoge mehr-o-wafa

bar-ha aazma ke dekh liya

Dagh Dehlvi

jo milā us ne bevafā.ī

kuchh ajab rañg hai zamāne

jo mila us ne bewafai ki

kuchh ajab rang hai zamane ka

Mushafi Ghulam Hamdani

kaam aa sakīñ na apnī vafā.eñ to kyā kareñ

us bevafā ko bhuul na jaa.eñ to kyā kareñ

kaam aa sakin na apni wafaen to kya karen

us bewafa ko bhul na jaen to kya karen

Akhtar Shirani

kuchh to majbūriyāñ rahī hoñgī

yuuñ koī bevafā nahīñ hotā

she would have had compulsions surely

faithless without cause no one can be

kuchh to majburiyan rahi hongi

yun koi bewafa nahin hota

she would have had compulsions surely

faithless without cause no one can be

Bashir Badr

mere ba.ad vafā dhokā aur kisī se mat karnā

gaalī degī duniyā tujh ko sar merā jhuk jā.egā

mere baad wafa ka dhoka aur kisi se mat karna

gali degi duniya tujh ko sar mera jhuk jaega

Qateel Shifai

na mudārāt hamārī na adū se nafrat

na vafā tumheñ aa.ī na jafā aa.ī

na mudaraat hamari na adu se nafrat

na wafa hi tumhein aai na jafa hi aai

Bekhud Badayuni

nahīñ shikva mujhe kuchh bevafā.ī tirī hargiz

gilā tab ho agar ne kisī se bhī nibhā.ī ho

nahin shikwa mujhe kuchh bewafai ka teri hargiz

gila tab ho agar tu ne kisi se bhi nibhai ho

Khwaja Meer Dard

tum jafā par bhī to nahīñ qaa.em

ham vafā umr bhar kareñ kyūñ-kar

tum jafa par bhi to nahin qaem

hum wafa umr bhar karen kyun-kar

Bedil Azimabadi

tum kisī ke bhī ho nahīñ sakte

tum ko apnā banā ke dekh liyā

tum kisi ke bhi ho nahin sakte

tum ko apna bana ke dekh liya

Ameer Raza Mazhari

tum ne kiyā na yaad kabhī bhuul kar hameñ

ham ne tumhārī yaad meñ sab kuchh bhulā diyā

you did not ever think of me even by mistake

and in your thoughts everything else I did forsake

tum ne kiya na yaad kabhi bhul kar hamein

hum ne tumhaari yaad mein sab kuchh bhula diya

you did not ever think of me even by mistake

and in your thoughts everything else I did forsake

Bahadur Shah Zafar

uḌ ga.ī yuuñ vafā zamāne se

kabhī goyā kisī meñ thī nahīñ

uD gai yun wafa zamane se

kabhi goya kisi mein thi hi nahin

Dagh Dehlvi

umiid un se vafā to ḳhair kyā kiije

jafā bhī karte nahīñ vo kabhī jafā tarah

umid un se wafa ki to KHair kya kije

jafa bhi karte nahin wo kabhi jafa ki tarah

Aatish Bahawalpuri

us bevafā se kar ke vafā mar-miTā 'razā'

ik qissa-e-tavīl ye iḳhtisār hai

us bewafa se kar ke wafa mar-miTa 'raza'

ek qissa-e-tawil ka ye iKHtisar hai

Aal-e-Raza Raza

vafā ḳhair manātā huuñ bevafā.ī meñ bhī

maiñ us qaid meñ huuñ qaid se rihā.ī meñ bhī

wafa ki KHair manata hun bewafai mein bhi

main us ki qaid mein hun qaid se rihai mein bhi

Iftikhar Arif

vahī to markazī kirdār hai kahānī

usī pe ḳhatm hai tāsīr bevafā.ī

wahi to markazi kirdar hai kahani ka

usi pe KHatm hai tasir bewafai ki

Iqbal Ashhar

ye jafāoñ sazā hai ki tamāshā.ī hai

ye vafāoñ sazā hai ki pa.e-dār huuñ maiñ

ye jafaon ki saza hai ki tamashai hai tu

ye wafaon ki saza hai ki pae-dar hun main

Hamid Mukhtar Hamid

ye kyā ki tum ne jafā se bhī haath khīñch liyā

mirī vafāoñ kuchh to sila diyā hotā

ye kya ki tum ne jafa se bhi hath khinch liya

meri wafaon ka kuchh to sila diya hota

Abdul Hamid Adam

Added to your favorites

Removed from your favorites