Chand Shayari
Moon is a stock image and metaphor of Urdu poetry. It has been treated both as a cliché and a fresh symbol. While it spread its cool light, it remains unreachable. It has been appropriated in many contexts but especially in the romantic and the spiritualist contexts. Here is a selection. Read and enjoy.
us ke chehre kī chamak ke sāmne saada lagā
āsmāñ pe chāñd puurā thā magar aadhā lagā
us ke chehre ki chamak ke samne sada laga
aasman pe chand pura tha magar aadha laga
-
Tags : Chaandand 1 more
kal chaudhvīñ kī raat thī shab bhar rahā charchā tirā
kuchh ne kahā ye chāñd hai kuchh ne kahā chehrā tirā
T'was a full moon out last night, all evening there was talk of you
Some people said it was the moon,and some said that it was you
kal chaudhwin ki raat thi shab bhar raha charcha tera
kuchh ne kaha ye chand hai kuchh ne kaha chehra tera
T'was a full moon out last night, all evening there was talk of you
Some people said it was the moon,and some said that it was you
-
Tags : Chaandand 2 more
eid kā chāñd tum ne dekh liyā
chāñd kī eid ho ga.ī hogī
eid ka chand tum ne dekh liya
chand ki eid ho gai hogi
har ek raat ko mahtāb dekhne ke liye
maiñ jāgtā huuñ tirā ḳhvāb dekhne ke liye
har ek raat ko mahtab dekhne ke liye
main jagta hun tera KHwab dekhne ke liye
-
Tags : Chaandand 2 more
vo chāñd kah ke gayā thā ki aaj niklegā
to intizār meñ baiThā huā huuñ shaam se maiñ
wo chand kah ke gaya tha ki aaj niklega
to intizar mein baiTha hua hun sham se main
chāñd se tujh ko jo de nisbat so be-insāf hai
chāñd ke muñh par haiñ chhā.īñ terā mukhḌā saaf hai
chand se tujh ko jo de nisbat so be-insaf hai
chand ke munh par hain chhain tera mukhDa saf hai
mujh ko ma.alūm hai mahbūb-parastī kā azaab
der se chāñd nikalnā bhī ġhalat lagtā hai
mujh ko malum hai mahbub-parasti ka azab
der se chand nikalna bhi ghalat lagta hai
-
Tag : Chaand
paañv sākit ho ga.e 'sarvat' kisī ko dekh kar
ik kashish mahtāb jaisī chehra-e-dilbar meñ thī
panw sakit ho gae 'sarwat' kisi ko dekh kar
ek kashish mahtab jaisi chehra-e-dilbar mein thi
-
Tags : Chaandand 1 more
ka.ī chāñd the sar-e-āsmāñ ki chamak chamak ke palaT ga.e
na lahū mire hī jigar meñ thā na tumhārī zulf siyāh thī
kai chand the sar-e-asman ki chamak chamak ke palaT gae
na lahu mere hi jigar mein tha na tumhaari zulf siyah thi
-
Tags : Chaandand 1 more
lutf-e-shab-e-mah ai dil us dam mujhe hāsil ho
ik chāñd baġhal meñ ho ik chāñd muqābil ho
lutf-e-shab-e-mah ai dil us dam mujhe hasil ho
ek chand baghal mein ho ek chand muqabil ho
chāñd meñ tū nazar aayā thā mujhe
maiñ ne mahtāb nahīñ dekhā thā
chand mein tu nazar aaya tha mujhe
main ne mahtab nahin dekha tha
-
Tag : Chaand
ye kis zohra-jabīñ kī anjuman meñ aamad aamad hai
bichhāyā hai qamar ne chāñdnī kā farsh mahfil meñ
ye kis zohra-jabin ki anjuman mein aamad aamad hai
bichhaya hai qamar ne chandni ka farsh mahfil mein
-
Tags : Chaandand 1 more
rusvā karegī dekh ke duniyā mujhe 'qamar'
is chāñdnī meñ un ko bulāne ko jaa.e kaun
ruswa karegi dekh ke duniya mujhe 'qamar'
is chandni mein un ko bulane ko jae kaun
-
Tag : Chaand
dekhā hilāl-e-īd to tum yaad aa ga.e
is mahviyat meñ iid hamārī guzar ga.ī
dekha hilal-e-id to tum yaad aa gae
is mahwiyat mein id hamari guzar gai
ham ne us chehre ko bāñdhā nahīñ mahtāb-misāl
ham ne mahtāb ko us ruḳh ke mumāsil bāñdhā
hum ne us chehre ko bandha nahin mahtab-misal
hum ne mahtab ko us ruKH ke mumasil bandha
-
Tag : Chaand
