Wife Ke Liye Shayari

tum muḳhātib bhī ho qarīb bhī ho

tum ko dekheñ ki tum se baat kareñ

tum muKHatib bhi ho qarib bhi ho

tum ko dekhen ki tum se baat karen

bin tumhāre kabhī nahīñ aa.ī

kyā mirī niiñd bhī tumhārī hai

bin tumhaare kabhi nahin aai

kya meri nind bhi tumhaari hai

jis samt bhī dekhūñ nazar aatā hai ki tum ho

ai jān-e-jahāñ ye koī tum sā hai ki tum ho

jis samt bhi dekhun nazar aata hai ki tum ho

ai jaan-e-jahan ye koi tum sa hai ki tum ho

bose biivī ke hañsī bachchoñ kī āñkheñ maañ kī

qaid-ḳhāne meñ giraftār samajhiye ham ko

bose biwi ke hansi bachchon ki aankhen man ki

qaid-KHane mein giraftar samajhiye hum ko

ham bahar haal dil o jaañ se tumhāre hote

tum bhī ik-ādh ghaḌī kaash hamāre hote

hum bahar haal dil o jaan se tumhaare hote

tum bhi ik-adh ghaDi kash hamare hote

sub.h-saverā daftar biivī bachche mahfil nīndeñ raat

yaar kisī ko mushkil bhī hotī hai is āsānī par

subh-sawera daftar biwi bachche mahfil ninden raat

yar kisi ko mushkil bhi hoti hai is aasani par

iid par masrūr haiñ donoñ miyāñ biivī bahut

ik ḳharīdārī se pahle ik ḳharīdārī ke ba.ad

id par masrur hain donon miyan biwi bahut

ek KHaridari se pahle ek KHaridari ke baad

bin tumhāre maiñ jī gayā ab tak

tum ko kyā ḳhud mujhe yaqīn nahīñ

bin tumhaare main ji gaya ab tak

tum ko kya KHud mujhe yaqin nahin

saḳht biivī ko shikāyat hai javān-e-nau se

rail chaltī nahīñ gir jaatā hai pahle signal

saKHt biwi ko shikayat hai jawan-e-nau se

rail chalti nahin gir jata hai pahle signal

mujhe apnī biivī pe faḳhr hai mujhe apne saale pe naaz hai

nahīñ dosh donoñ kā is meñ kuchh mujhe DāñTtā koī aur hai

mujhe apni biwi pe faKHr hai mujhe apne sale pe naz hai

nahin dosh donon ka is mein kuchh mujhe DanTta koi aur hai