bikharte katbe

(avval)

rag-o-pai me.n jak.De hu.e jism ke us taraf

jis jagah aasmaano.n kii had se pare

KHvaab hii KHvaab ho.n

zehn jo naa-rasaa hai

jahaa.n dil kii duniyaa.o.n kaa raasta hai

kitnii taariikiyo.n me.n hame.n

aaftaabo.n kaa ko.ii gumaa.n tak nahii.n hai

mire jism ke post aur haDDiyo.n

se vare

ek pal hai ki jo

aasmaano.n kii jaanib ga.e raasto.n

ko milaataa hai

(do.am)

muqayyad hu.e hai.n

ham ik aisii chaa.ndnii kii zanjiir me.n

jaise jismo.n me.n phailii rage.n

aasmaa.n aur zamii.n

kitne betaab hai.n

aa.e.n ik duusre se mile.n

aasmaano.n se nikle hai.n ham der se

aa.e.n phir ghar chale.n

(som)

haDDiyaa.n kab se paivast hai.n gosht me.n

aur phir us ghane jaal se ye nikal aa.e.ngii

aasmaano.n se niiche utar kar faqat

rizq Dhuu.nDaa kiye tum

magar KHaak-o-KHuu.n

har taraf hai

(chahaarum)

zehn kii gutthiyo.n me.n ulajhtaa hu.aa

meraa qalb-e-tapaa.n

raat ke Gaar me.n suurajo.n kaa gumaa.n

aasmaano.n bahishto.n kii soche.n

miraa jism patto.n me.n bikhraa hu.aa

Gam kii andhii guphaa me.n

bahut der se mai.n pa.Daa huu.n

kahaa.n jaa.uu.n

rahbar huu.n mai.n

yaa ko.ii kaarvaa.n huu.n

(panjum)

Gam kii andhii guphaa me.n

saraa.e me.n bistar pe tanhaa

ga.e daur ke marqado.n me.n

kahaa.n jism hai.n

chand katbe hai.n bikhre hu.e

vaqt kab aa.egaa

jism aazaad hogaa

(avval)

rag-o-pai me.n jak.De hu.e jism ke us taraf

jis jagah aasmaano.n kii had se pare

KHvaab hii KHvaab ho.n

zehn jo naa-rasaa hai

jahaa.n dil kii duniyaa.o.n kaa raasta hai

kitnii taariikiyo.n me.n hame.n

aaftaabo.n kaa ko.ii gumaa.n tak nahii.n hai

mire jism ke post aur haDDiyo.n

se vare

ek pal hai ki jo

aasmaano.n kii jaanib ga.e raasto.n

ko milaataa hai

(do.am)

muqayyad hu.e hai.n

ham ik aisii chaa.ndnii kii zanjiir me.n

jaise jismo.n me.n phailii rage.n

aasmaa.n aur zamii.n

kitne betaab hai.n

aa.e.n ik duusre se mile.n

aasmaano.n se nikle hai.n ham der se

aa.e.n phir ghar chale.n

(som)

haDDiyaa.n kab se paivast hai.n gosht me.n

aur phir us ghane jaal se ye nikal aa.e.ngii

aasmaano.n se niiche utar kar faqat

rizq Dhuu.nDaa kiye tum

magar KHaak-o-KHuu.n

har taraf hai

(chahaarum)

zehn kii gutthiyo.n me.n ulajhtaa hu.aa

meraa qalb-e-tapaa.n

raat ke Gaar me.n suurajo.n kaa gumaa.n

aasmaano.n bahishto.n kii soche.n

miraa jism patto.n me.n bikhraa hu.aa

Gam kii andhii guphaa me.n

bahut der se mai.n pa.Daa huu.n

kahaa.n jaa.uu.n

rahbar huu.n mai.n

yaa ko.ii kaarvaa.n huu.n

(panjum)

Gam kii andhii guphaa me.n

saraa.e me.n bistar pe tanhaa

ga.e daur ke marqado.n me.n

kahaa.n jism hai.n

chand katbe hai.n bikhre hu.e

vaqt kab aa.egaa

jism aazaad hogaa