gahraa niilaa dariyaa

kis ko maa'luum hai ye kahaa.n hai

hame.n kuchh KHabar hii nahii.n ye kahaa.n hai

magar phir bhii maa'luum hai

ye pahaa.Do.n ke piichhe

ka.ii vaadiyo.n se vare

saat aur aaTh se bhii pare

talKH yaade.n liye

thakte qadmo.n

ga.e din kii

paagal sii yaade.n liye

jhaa.Diyo.n aur daraKHto.n kii chhaa.nv ke us paar

aalaam aur qaht ke Gam-zada din kii maanind

dukhte dilo.n aur tashkiik ke maare zehno.n se ba.Dh kar

dukhii

is zamii.n kii taho.n me.n bahut duur niiche

kabhii aasmaano.n ke us paar

aa.e.n ki dekhe.n

ki murG-e-sahar kii azaa.n

horn bajtaa na ho jis jagah par

junuu.n bhii udaasii bhii

aur zehn kii kaavisho.n se pare

apne KHaaliq se baaGii hu.e

aa.e.n dekhe.n

ki ye gahraa niilaa saa dariyaa

jo gahraa bhii hai

aur chau.Daa bhii hai

ek sau saal chau.Daa hai

gahraa.ii me.n

mausamo.n kii rute.n

jab hazaaro.n kaTe.n

is kii lambaa.ii me.n

kitnii gambhiir gahraa.iyaa.n hai.n

ye gahraa saa niilaa saa dariyaa hai

jis se guzarnaa

hamaare muqaddar me.n likhaa hu.aa hai

kis ko maa'luum hai ye kahaa.n hai

hame.n kuchh KHabar hii nahii.n ye kahaa.n hai

magar phir bhii maa'luum hai

ye pahaa.Do.n ke piichhe

ka.ii vaadiyo.n se vare

saat aur aaTh se bhii pare

talKH yaade.n liye

thakte qadmo.n

ga.e din kii

paagal sii yaade.n liye

jhaa.Diyo.n aur daraKHto.n kii chhaa.nv ke us paar

aalaam aur qaht ke Gam-zada din kii maanind

dukhte dilo.n aur tashkiik ke maare zehno.n se ba.Dh kar

dukhii

is zamii.n kii taho.n me.n bahut duur niiche

kabhii aasmaano.n ke us paar

aa.e.n ki dekhe.n

ki murG-e-sahar kii azaa.n

horn bajtaa na ho jis jagah par

junuu.n bhii udaasii bhii

aur zehn kii kaavisho.n se pare

apne KHaaliq se baaGii hu.e

aa.e.n dekhe.n

ki ye gahraa niilaa saa dariyaa

jo gahraa bhii hai

aur chau.Daa bhii hai

ek sau saal chau.Daa hai

gahraa.ii me.n

mausamo.n kii rute.n

jab hazaaro.n kaTe.n

is kii lambaa.ii me.n

kitnii gambhiir gahraa.iyaa.n hai.n

ye gahraa saa niilaa saa dariyaa hai

jis se guzarnaa

hamaare muqaddar me.n likhaa hu.aa hai