jab haathii nahaate hai.n

jab haathii nahaate hai.n us vaqt

ham dekhte hai.n sirf

ek chhatrii jaisii siyaah pusht

aur ek ubhrii hu.ii suu.nD

pipe kii tarah

ab machhlii shuruu' kartii hai raqs

us ke qavii-ul-jussa pairo.n ke atraaf

ghaas-phuus

gudgudaatii hai us kii bhiigii khaal ko

apne chiito.n bhe.Diyo.n

aur laark parindo.n ke saath ja.ngalaat

us kii chhoTii chhoTii aa.nkho.n me.n

samaa jaate hai.n

surKH dhuul us kii pusht par chamaktii hai

jaise taa.nbe ke saath sonaa

shaamil ho

gadlaa taalaab bahtaa hai saaf suthraa ho kar

jaise ek ja.nglii aabjuu

jab haathii nahaate hai.n

to hame.n apne tehvaar nihaayat maa'muulii

dikhaa.ii dete hai.n

murassaa ziin pahan kar haathii KHush nahii.n hote

aap dekh sakte hai.n unhe.n

tehvaar ke juluus me.n bhii aa.nsuu bahaate

haathiyo.n aur insaano.n kii taqdiiro.n

kaa maatam karte

jab haathii nahaate hai.n

to un kii suu.nD se guzar kar

mausam-e-garmaa Gaa.eb ho jaataa hai

aur phir aataa hai monsoon

ja.nglii chaa.ndnii guzartii hai

un kii aa.nkho.n se ho kar

taalaab me.n Duube hu.e us ke jism se

paanii gaane lagtaa hai raag hinDol

phuulo.n se pur-bahaar hu.e

jangal kii shadiid KHushbuu

diivaana banaa detii hai insaano.n ko

mohabbat to.Dtii hai apnii zanjiire.n

aazaadii bigul bajaatii hai

aur harf-e-tahajjii uThaataa hai apnii suu.nD

mausam-e-bahaar ko

KHush-aamdiid kahne

jab haathii nahaate hai.n us vaqt

ham dekhte hai.n sirf

ek chhatrii jaisii siyaah pusht

aur ek ubhrii hu.ii suu.nD

pipe kii tarah

ab machhlii shuruu' kartii hai raqs

us ke qavii-ul-jussa pairo.n ke atraaf

ghaas-phuus

gudgudaatii hai us kii bhiigii khaal ko

apne chiito.n bhe.Diyo.n

aur laark parindo.n ke saath ja.ngalaat

us kii chhoTii chhoTii aa.nkho.n me.n

samaa jaate hai.n

surKH dhuul us kii pusht par chamaktii hai

jaise taa.nbe ke saath sonaa

shaamil ho

gadlaa taalaab bahtaa hai saaf suthraa ho kar

jaise ek ja.nglii aabjuu

jab haathii nahaate hai.n

to hame.n apne tehvaar nihaayat maa'muulii

dikhaa.ii dete hai.n

murassaa ziin pahan kar haathii KHush nahii.n hote

aap dekh sakte hai.n unhe.n

tehvaar ke juluus me.n bhii aa.nsuu bahaate

haathiyo.n aur insaano.n kii taqdiiro.n

kaa maatam karte

jab haathii nahaate hai.n

to un kii suu.nD se guzar kar

mausam-e-garmaa Gaa.eb ho jaataa hai

aur phir aataa hai monsoon

ja.nglii chaa.ndnii guzartii hai

un kii aa.nkho.n se ho kar

taalaab me.n Duube hu.e us ke jism se

paanii gaane lagtaa hai raag hinDol

phuulo.n se pur-bahaar hu.e

jangal kii shadiid KHushbuu

diivaana banaa detii hai insaano.n ko

mohabbat to.Dtii hai apnii zanjiire.n

aazaadii bigul bajaatii hai

aur harf-e-tahajjii uThaataa hai apnii suu.nD

mausam-e-bahaar ko

KHush-aamdiid kahne