shaa'ir kaa KHitaab shaa'irii se

jab mai.n ne tum se kuchh kahne ke liye kahaa

tum gaane lagii.n

jab gaane ke liye kahaa

tum chup rahii.n

jab mai.n ne mu.nh band rakhne ke liye kahaa

tum chiiKH pa.Dii.n

mai.n to tang aa chukaa

kyaa faa.eda aise muriid kaa

jo kabhii murshid kii hidaayat par nahii.n chaltaa

ek martaba mai.n ne bhejaa tumhe.n paanii de kar

ek jaa.n-balab shaKHs ke liye

lekin tum ne

us ke qaatil kaa makaan nazr-e-aatish kar diyaa

jab mai.n ne tumhe.n tuluu'-e-sub.h kaa naGma gaane ke liye kahaa

tum ne mujhe sirf matanabbe kiyaa

aane vaalii niim-shab se

mai.n ne tumhe.n sa.Dko.n par bhejaa

inqalaab kii tabliiG ke liye

lekin tum bas daGaa ke shikaar shahiido.n kaa nauha kartii rahii.n

alaihadgii pasandii ke KHayaalaat aam karne ko kahaa

to tum sa.Dko.n par aavaargii me.n masruuf

mohabbat ke giit alaaptii rahii.n

mai.n ne apne mahbuub ke paas

ek paiGaam de kar tumhe.n bhejaa

tum vahaa.n se za.afraanii malbuus pahne lauT aa.ii

tum kis maa.n kii janii ho

zamiin kii yaa aasmaan kii

aur kahaa.n kisii aspataal ke ward me.n

yaa kisii naalii me.n paidaa hu.ii ho

kis ne tumhe.n khilaayaa pilaayaa

havaa ne yaa suuraj ne

parvaan cha.Dhii tum kis chiiz par

gosha-nashiinii me.n yaa taariiKH par

kyaa tum sach much merii shaa'irii ho

kyaa ye itnaa sab kuchh hai mujh me.n

kaun huu.n mai.n

goyaa huu.n yaa vo jis ke baare me.n ko.ii goyaa hai

jaane do

lekin zaraa bataa.o to

kal shab tum kis ke saath ham-bistar thii

kaun sii kahaanii chhipii hu.ii hai

jab mai.n ne tum se kuchh kahne ke liye kahaa

tum gaane lagii.n

jab gaane ke liye kahaa

tum chup rahii.n

jab mai.n ne mu.nh band rakhne ke liye kahaa

tum chiiKH pa.Dii.n

mai.n to tang aa chukaa

kyaa faa.eda aise muriid kaa

jo kabhii murshid kii hidaayat par nahii.n chaltaa

ek martaba mai.n ne bhejaa tumhe.n paanii de kar

ek jaa.n-balab shaKHs ke liye

lekin tum ne

us ke qaatil kaa makaan nazr-e-aatish kar diyaa

jab mai.n ne tumhe.n tuluu'-e-sub.h kaa naGma gaane ke liye kahaa

tum ne mujhe sirf matanabbe kiyaa

aane vaalii niim-shab se

mai.n ne tumhe.n sa.Dko.n par bhejaa

inqalaab kii tabliiG ke liye

lekin tum bas daGaa ke shikaar shahiido.n kaa nauha kartii rahii.n

alaihadgii pasandii ke KHayaalaat aam karne ko kahaa

to tum sa.Dko.n par aavaargii me.n masruuf

mohabbat ke giit alaaptii rahii.n

mai.n ne apne mahbuub ke paas

ek paiGaam de kar tumhe.n bhejaa

tum vahaa.n se za.afraanii malbuus pahne lauT aa.ii

tum kis maa.n kii janii ho

zamiin kii yaa aasmaan kii

aur kahaa.n kisii aspataal ke ward me.n

yaa kisii naalii me.n paidaa hu.ii ho

kis ne tumhe.n khilaayaa pilaayaa

havaa ne yaa suuraj ne

parvaan cha.Dhii tum kis chiiz par

gosha-nashiinii me.n yaa taariiKH par

kyaa tum sach much merii shaa'irii ho

kyaa ye itnaa sab kuchh hai mujh me.n

kaun huu.n mai.n

goyaa huu.n yaa vo jis ke baare me.n ko.ii goyaa hai

jaane do

lekin zaraa bataa.o to

kal shab tum kis ke saath ham-bistar thii

kaun sii kahaanii chhipii hu.ii hai