chalo faraar-e-KHudii kaa ko.ii sila to milaa hamii.n mile nahii.n us ko hame.n KHudaa to milaa nashaat-e-qarya-e-jaa.n se judaa hu.ii KHushbuu safar kuchh aisaa hai ab ke ko.ii milaa to milaa hamaare baa'd rivaayat chalii mohabbat kii nizaam-e-aalam-e-hastii ko falsafa to milaa jo chho.D aa.e the taskiin-e-dil ke vaaste ham tumhe.n ai jaan-e-tamannaa vo naqsh-e-paa to milaa savaal aa ga.e aa.nkho.n se chhin ke ho.nTo.n par hame.n javaab na dene kaa faa.eda to milaa ye aah-o-girya-o-zaarii kahii.n to kaam aa.ii havaa-e-dasht ko paanii kaa zaa.iqa to milaa namaaz-e-asr nahii.n pa.Dh sakii mirii vahshat junuun-e-ishq ko maidaan-e-karbalaa to milaa phir is ke baa'd baraamad na ho sakaa kuchh bhii hamaare aa.nkh me.n jaltaa hu.aa diyaa to milaa