یہ کھلے کھلے سے گیسو انہیں لاکھ تو سنوارے

مرے ہاتھ سے سنورتے تو کچھ اور بات ہوتی

صرف دروازے تلک جا کے ہی لوٹ آیا ہوں

ایسا لگتا ہے کہ صدیوں کا سفر کر آیا

خود ہی اچھالوں پتھر خود ہی سر پر لے لوں

جب چاہوں سونے موسم سے منظر لے لوں

تمام شہر جسے چھوڑنے کو آیا ہے

وہ شخص کتنا اکیلا سفر پہ نکلے گا

میرے رستے میں جو رونق تھی میرے فن کی تھی

میرے گھر میں جو اندھیرا تھا میرا اپنا تھا

تو اک قدم بھی جو میری طرف بڑھا دیتا

میں منزلیں تری دہلیز سے ملا دیتا

بچا لیا تری خوشبو کے فرق نے ورنہ

میں تیرے وہم میں تجھ سے لپٹنے والا تھا

بستی میں غریبوں کی جہاں آگ لگی تھی

سنتے ہیں وہاں ایک نیا شہر بسے گا

زمیں کے زخم سمندر تو بھر نہ پائے گا

یہ کام دیدۂ تر تجھ کو سونپنا ہوگا

تمام شہر جسے چھوڑنے کو آیا ہے

وہ شخص کتنا اکیلا سفر پہ نکلے گا