ghaḌī ghaḌī na idhar dekhiye ki dil pe mujhe

hai iḳhtiyār par itnā bhī iḳhtiyār nahīñ

ghaDi ghaDi na idhar dekhiye ki dil pe mujhe

hai iKHtiyar par itna bhi iKHtiyar nahin

maiñ ab to ai junūñ tire hāthoñ se tañg huuñ

lā.ūñ kahāñ se roz garebāñ na.e na.e

main ab to ai junun tere hathon se tang hun

laun kahan se roz gareban nae nae

na duniyā kā huuñ maiñ na kuchh fikr diiñ kā

mohabbat ne rakkhā na mujh ko kahīñ kā

na duniya ka hun main na kuchh fikr din ka

mohabbat ne rakkha na mujh ko kahin ka

tum to Thukrā kar guzar jaao tumheñ Tokegā kaun

maiñ paḌā huuñ raah meñ to kyā tumhārā jā.egā

tum to Thukra kar guzar jao tumhein Tokega kaun

main paDa hun rah mein to kya tumhaara jaega