jo bahut be-qarār rakhte the

haañ vahī to qarār ke din the

jo bahut be-qarar rakhte the

han wahi to qarar ke din the

maiñ tire hijr kī giraft meñ huuñ

ek sahrā hai mubtalā mujh meñ

main tere hijr ki giraft mein hun

ek sahra hai mubtala mujh mein

rahtā hai zehn o dil meñ jo ehsās kī tarah

us kā koī patā bhī zarūrī nahīñ ki ho

rahta hai zehn o dil mein jo ehsas ki tarah

us ka koi pata bhi zaruri nahin ki ho

tīrgī kī kyā ajab tarkīb hai ye

ab havā ke dosh par diivā rakhā hai

tirgi ki kya ajab tarkib hai ye

ab hawa ke dosh par diwa rakha hai

ye jo maazī kī baat karte haiñ

sochte hoñge haal se aage

ye jo mazi ki baat karte hain

sochte honge haal se aage