ٹاپ 5 اردو شاعری| ریختہ

آخر اک روز تو پیوند زمیں ہونا ہے

جامۂ زیست نیا اور پرانا کیسا

مادھو رام جوہر

مرا محتاج ہونا تو مری حالت سے ظاہر ہے

مگر ہاں دیکھنا ہے آپ کا حاجت روا ہونا

اکبر الہ آبادی

تمام جسم کی عریانیاں تھیں آنکھوں میں

وہ میری روح میں اترا حجاب پہنے ہوئے

ساقی فاروقی

اک دم کی زندگی کے لیے مت اٹھا مجھے

اے بے خبر میں نقش زمیں کی نشست ہوں

نظیر اکبرآبادی

اک معمہ ہے سمجھنے کا نہ سمجھانے کا

زندگی کاہے کو ہے خواب ہے دیوانے کا

فانی بدایونی

آج کے منتخب ۵ شعر