aaj ik aur baras biit gayā us ke baġhair
jis ke hote hue hote the zamāne mere
kashtī-e-mai ko hukm-e-ravānī bhī bhej do
jab aag bhej dī hai to paanī bhī bhej do
kashti-e-mai ko hukm-e-rawani bhi bhej do
jab aag bhej di hai to pani bhi bhej do
jab aa jaatī hai duniyā ghuum phir kar apne markaz par
to vāpas lauT kar guzre zamāne kyuuñ nahīñ aate
jab aa jati hai duniya ghum phir kar apne markaz par
to wapas lauT kar guzre zamane kyun nahin aate
ham aap qayāmat se guzar kyuuñ nahīñ jaate
jiine kī shikāyat hai to mar kyuuñ nahīñ jaate
hum aap qayamat se guzar kyun nahin jate
jine ki shikayat hai to mar kyun nahin jate
ek muddat se tirī yaad bhī aa.ī na hameñ
aur ham bhuul ga.e hoñ tujhe aisā bhī nahīñ
ek muddat se teri yaad bhi aai na hamein
aur hum bhul gae hon tujhe aisa bhi nahin
inhīñ pattharoñ pe chal kar agar aa sako to aao
mire ghar ke rāste meñ koī kahkashāñ nahīñ hai
inhin pattharon pe chal kar agar aa sako to aao
mere ghar ke raste mein koi kahkashan nahin hai
Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi
Devoted to the preservation & promotion of Urdu
A Trilingual Treasure of Urdu Words
Online Treasure of Sufi and Sant Poetry
World of Hindi language and literature
The best way to learn Urdu online
Best of Urdu & Hindi Books