apnī ġhurbat kī kahānī ham sunā.eñ kis tarah

raat phir bachcha hamārā rote rote so gayā

apni ghurbat ki kahani hum sunaen kis tarah

raat phir bachcha hamara rote rote so gaya

jab aa jaatī hai duniyā ghuum phir kar apne markaz par

to vāpas lauT kar guzre zamāne kyuuñ nahīñ aate

jab aa jati hai duniya ghum phir kar apne markaz par

to wapas lauT kar guzre zamane kyun nahin aate

kyuuñ pashemāñ ho agar va.ada vafā ho na sakā

kahīñ va.ade bhī nibhāne ke liye hote haiñ

kyun pasheman ho agar wada wafa ho na saka

kahin wade bhi nibhane ke liye hote hain

vo yuuñ subūt-e-urūj-o-zavāl detā thā

uThā ke haath meñ patthar uchhāl detā thā

wo yun subut-e-uruj-o-zawal deta tha

uTha ke hath mein patthar uchhaal deta tha

zamīñ ke jism ko TukḌoñ meñ bāñTne vaalo

kabhī ye ġhaur karo kā.enāt kis kī hai

zamin ke jism ko TukDon mein banTne walo

kabhi ye ghaur karo kaenat kis ki hai