Today's top 5 Urdu Shayari

ġhairoñ se kahā tum ne ġhairoñ se sunā tum ne

kuchh ham se kahā hotā kuchh ham se sunā hotā

ghairon se kaha tum ne ghairon se suna tum ne

kuchh hum se kaha hota kuchh hum se suna hota

gurez-pā hai nayā rāsta kidhar jaa.eñ

chalo ki lauT ke ham apne apne ghar jaa.eñ

gurez-pa hai naya rasta kidhar jaen

chalo ki lauT ke hum apne apne ghar jaen

ġham se mansūb karūñ dard kā rishta de duuñ

zindagī aa tujhe jiine kā salīqa de duuñ

gham se mansub karun dard ka rishta de dun

zindagi aa tujhe jine ka saliqa de dun

had hai apnī taraf nahīñ maiñ bhī

aur un kī taraf ḳhudā.ī hai

had hai apni taraf nahin main bhi

aur un ki taraf KHudai hai

ek hī shai thī ba-andāz-e-digar māñgī thī

maiñ ne bīnā.ī nahīñ tujh se nazar māñgī thī

ek hi shai thi ba-andaz-e-digar mangi thi

main ne binai nahin tujh se nazar mangi thi