Today's top 5 Urdu Shayari

ik baar us ne mujh ko dekhā thā muskurā kar

itnī to hai haqīqat baaqī kahāniyāñ haiñ

ek bar us ne mujh ko dekha tha muskura kar

itni to hai haqiqat baqi kahaniyan hain

kashtī-e-mai ko hukm-e-ravānī bhī bhej do

jab aag bhej dī hai to paanī bhī bhej do

kashti-e-mai ko hukm-e-rawani bhi bhej do

jab aag bhej di hai to pani bhi bhej do

jhuk kar salām karne meñ kyā harj hai magar

sar itnā mat jhukāo ki dastār gir paḌe

jhuk kar salam karne mein kya harj hai magar

sar itna mat jhukao ki dastar gir paDe

maktab-e-ishq kā dastūr nirālā dekhā

us ko chhuTTī na milī jis ko sabaq yaad huā

maktab-e-ishq ka dastur nirala dekha

us ko chhuTTi na mili jis ko sabaq yaad hua

itnī pī jaa.e ki miT jaa.e maiñ aur tū kī tamīz

yaanī ye hosh kī dīvār girā dī jaa.e

itni pi jae ki miT jae main aur tu ki tamiz

yani ye hosh ki diwar gira di jae