aaj ik aur baras biit gayā us ke baġhair
jis ke hote hue hote the zamāne mere
maiñ to masjid se chalā thā kisī ka.aba kī taraf
dukh to ye hai ki ibādat mirī bad-nām huī
main to masjid se chala tha kisi kaba ki taraf
dukh to ye hai ki ibaadat meri bad-nam hui
kab lauTā hai bahtā paanī bichhḌā sājan rūThā dost
ham ne us ko apnā jaanā jab tak haath meñ dāmāñ thā
kab lauTa hai bahta pani bichhDa sajan ruTha dost
hum ne us ko apna jaana jab tak hath mein daman tha
kise apnā banā.eñ koī is qābil nahīñ miltā
yahāñ patthar bahut milte haiñ lekin dil nahīñ miltā
kise apna banaen koi is qabil nahin milta
yahan patthar bahut milte hain lekin dil nahin milta
kashtī-e-mai ko hukm-e-ravānī bhī bhej do
jab aag bhej dī hai to paanī bhī bhej do
kashti-e-mai ko hukm-e-rawani bhi bhej do
jab aag bhej di hai to pani bhi bhej do
kyuuñ parakhte ho savāloñ se javāboñ ko 'adīm'
hoñT achchhe hoñ to samjho ki savāl achchhā hai
kyun parakhte ho sawalon se jawabon ko 'adim'
honT achchhe hon to samjho ki sawal achchha hai
Jashn-e-Rekhta | 13-14-15 December 2024 - Jawaharlal Nehru Stadium , Gate No. 1, New Delhi
Devoted to the preservation & promotion of Urdu
A Trilingual Treasure of Urdu Words
Online Treasure of Sufi and Sant Poetry
World of Hindi language and literature
The best way to learn Urdu online
Best of Urdu & Hindi Books