vo ek shor sā zindāñ meñ raat bhar kyā thā

mujhe ḳhud apne badan meñ kisī kā Dar kyā thā

wo ek shor sa zindan mein raat bhar kya tha

mujhe KHud apne badan mein kisi ka Dar kya tha

bulandiyāñ āsmāñ kī sūrat zamīn ke paañv chūmtī haiñ

zamīn shāyad buland-tar thī zamīn hī meñ utar gayā vo

bulandiyan aasman ki surat zamin ke panw chumti hain

zamin shayad buland-tar thi zamin hi mein utar gaya wo

tamām umr na.e lafz kī talāsh rahī

kitāb-e-dard kā mazmūñ thā pā.emāl aisā

tamam umr nae lafz ki talash rahi

kitab-e-dard ka mazmun tha paemal aisa

shaam ne barf pahan rakkhī thī raushniyāñ bhī ThanDī thiiñ

maiñ is ThanDak se ghabrā kar apnī aag meñ jalne lagā

sham ne barf pahan rakkhi thi raushniyan bhi ThanDi thin

main is ThanDak se ghabra kar apni aag mein jalne laga

maiñ ne chāhā thā ki lafzoñ meñ chhupā luuñ ḳhud ko

ḳhāmushī lafz kī dīvār girā detī hai

main ne chaha tha ki lafzon mein chhupa lun KHud ko

KHamushi lafz ki diwar gira deti hai

band kar le khiḌkiyāñ yuuñ raat ko bāhar na dekh

Dūbtī āñkhoñ se apne shahr kā manzar na dekh

band kar le khiDkiyan yun raat ko bahar na dekh

Dubti aankhon se apne shahr ka manzar na dekh