kamān-e-shāḳh se gul kis hadaf ko jaate haiñ

nasheb-e-ḳhāk meñ jā kar mujhe ḳhayāl aayā

kaman-e-shaKH se gul kis hadaf ko jate hain

nasheb-e-KHak mein ja kar mujhe KHayal aaya

maiñ dil ko us kī taġhāful-sarā se le aayā

aur apne ḳhāna-e-vahshat meñ zer-e-dām rakhā

main dil ko us ki taghaful-sara se le aaya

aur apne KHana-e-wahshat mein zer-e-dam rakha

is dil ko kisī dast-e-adā-sanj meñ rakhnā

mumkin hai ye mīzān-e-kam-o-besh jalā de

is dil ko kisi dast-e-ada-sanj mein rakhna

mumkin hai ye mizan-e-kam-o-besh jala de

yahī bahut the mujhe naan o aab o sham.a o gul

safar-nazhād thā asbāb muḳhtasar rakkhā

yahi bahut the mujhe nan o aab o shama o gul

safar-nazhad tha asbab muKHtasar rakkha

use ajab thā ġhurūr-e-shaguft-e-ruḳhsārī

bahār-e-gul ko bahut be-hunar kahā us ne

use ajab tha ghurur-e-shaguft-e-ruKHsari

bahaar-e-gul ko bahut be-hunar kaha us ne

kitāb-e-umr se sab harf uḌ ga.e mere

ki mujh asiir ko honā hai ham-kalām us kā

kitab-e-umr se sab harf uD gae mere

ki mujh asir ko hona hai ham-kalam us ka

maiñ chāhtā huuñ mujhe mash.aloñ ke saath jalā

kushāda-tar hai agar ḳhema-e-havā tujh pe

main chahta hun mujhe mashalon ke sath jala

kushada-tar hai agar KHema-e-hawa tujh pe

kitāb-e-ḳhāk paḌhī zalzale kī raat us ne

shaguft-e-gul ke zamāne meñ vo yaqīñ laayā

kitab-e-KHak paDhi zalzale ki raat us ne

shaguft-e-gul ke zamane mein wo yaqin laya

atā usī kī hai ye shahd o shor kī taufīq

vahī galīm meñ ye nān-e-be-javīñ laayā

ata usi ki hai ye shahd o shor ki taufiq

wahi galim mein ye nan-e-be-jawin laya

kamān-e-ḳhāna-e-aflāk ke muqābil bhī

maiñ us se aur vo phir kaj-kulāh mujh se huā

kaman-e-KHana-e-aflak ke muqabil bhi

main us se aur wo phir kaj-kulah mujh se hua