بازی گاہ دار و رسن میں میکدۂ فکر و فن میں

ہم رندوں سے رونق ہے ہم درویشوں سے میلے ہیں

ہر مسافر ترے کوچے کو چلا

اس طرف چھاؤں گھنی ہو جیسے

در و دیوار بھی ہوتے ہیں جاسوس

کوئی سنتا نہ ہو آہستہ بولو

میں تو اپنی جان پہ کھیل کے پیار کی بازی جیت گیا

قاتل ہار گئے جو اب تک خون کے چھینٹے دھوتے ہیں

کار زار عشق و سر مستی میں نصرت یاب ہوں

وہ جنونی دار تک جانے کو جو بیتاب ہوں

الکھ جمائے دھونی رمائے دھیان لگائے رہتے ہیں

پیار ہمارا مسلک ہے ہم پریم گرو کے چیلے ہیں

اپنا گھر شہر خموشاں سا ہے

کون آئے گا یہاں شام ڈھلے

حسن کی دولت اس کی ہے اور وصل کی عشرت بھی اس کی

جس نے پل پل ہجر میں کاٹا جور سہے دکھ جھیلے ہیں

تم ان کو سزا کیوں نہیں دیتے کہ جنہوں نے

مجرم کا ضمیر اور سکوں لوٹ لیا ہے