aaj kā jhagḌā aaj chukā

kal kī bāteñ kal par Taal

aaj ka jhagDa aaj chuka

kal ki baaten kal par Tal

aur kuchh din ḳharāb ho liije

suud apnā hai is ziyāñ meñ abhī

aur kuchh din KHarab ho lije

sud apna hai is ziyan mein abhi

kisī bhī haal meñ raazī nahīñ hai dil ham se

har ik tarah kā ye kāfir bahāna rakhtā hai

kisi bhi haal mein raazi nahin hai dil hum se

har ek tarah ka ye kafir bahana rakhta hai

rahe zarā dil-e-ḳhūñ-gashta par nazar 'anjum'

usī sadaf se ajab kyā guhar nikal aa.e

rahe zara dil-e-KHun-gashta par nazar 'anjum'

usi sadaf se ajab kya guhar nikal aae

sach ke saude meñ na paḌnā ki ḳhasārā hogā

jo huā haal hamārā so tumhārā hogā

sach ke saude mein na paDna ki KHasara hoga

jo hua haal hamara so tumhaara hoga