maiñ ne likhkhā hai use maryam o siitā kī tarah

jism ko us ke ajantā nahīñ likhkhā maiñ ne

main ne likhkha hai use maryam o sita ki tarah

jism ko us ke ajanta nahin likhkha main ne

koī pūchhegā jis din vāqa.ī ye zindagī kyā hai

zamīñ se ek muTThī ḳhaak le kar ham uḌā deñge

koi puchhega jis din waqai ye zindagi kya hai

zamin se ek muTThi KHak le kar hum uDa denge

na jaane kyuuñ adhūrī hī mujhe tasvīr jachtī hai

maiñ kāġhaz haath meñ lekar faqat chehra banātā huuñ

na jaane kyun adhuri hi mujhe taswir jachti hai

main kaghaz hath mein lekar faqat chehra banata hun

sabhī ke apne masā.il sabhī kī apnī anā

pukārūñ kis ko jo de saath umr bhar merā

sabhi ke apne masail sabhi ki apni ana

pukarun kis ko jo de sath umr bhar mera

musalsal dhuup meñ chalnā charāġhoñ kī tarah jalnā

ye hañgāme to mujh ko vaqt se pahle thakā deñge

musalsal dhup mein chalna charaghon ki tarah jalna

ye hangame to mujh ko waqt se pahle thaka denge

chāho to mirī āñkhoñ ko ā.īna banā lo

dekho tumheñ aisā koī darpan na milegā

chaho to meri aankhon ko aaina bana lo

dekho tumhein aisa koi darpan na milega

ab naam nahīñ kaam kā qaa.el hai zamāna

ab naam kisī shaḳhs kā rāvan na milegā

ab nam nahin kaam ka qael hai zamana

ab nam kisi shaKHs ka rawan na milega

merā har sher haqīqat kī hai zinda tasvīr

apne ash.ār meñ qissa nahīñ likhkhā maiñ ne

mera har sher haqiqat ki hai zinda taswir

apne ashaar mein qissa nahin likhkha main ne

vo jis ko paḌhtā nahīñ koī bolte sab haiñ

janāb-e-'mīr' bhī kaisī zabān chhoḌ ga.e

wo jis ko paDhta nahin koi bolte sab hain

janab-e-'mir' bhi kaisi zaban chhoD gae