ghuTan se bach ke kahīñ saañs le nahīñ sakte

jahāñ bhī jaa.eñ ye kaalā dhuāñ to sar par hai

ghuTan se bach ke kahin sans le nahin sakte

jahan bhi jaen ye kala dhuan to sar par hai

huā hai qarya-e-jāñ meñ ye sāneha kaisā

mire vajūd ke andar hai zalzala kaisā

hua hai qarya-e-jaan mein ye saneha kaisa

mere wajud ke andar hai zalzala kaisa

'armāñ' bas ek lazzat-e-iz.hār ke sivā

miltā hai kyā ḳhayāl ko lafzoñ meñ Dhaal kar

'arman' bas ek lazzat-e-izhaar ke siwa

milta hai kya KHayal ko lafzon mein Dhaal kar

bachā kyā rah gayā kālak bhare jhulse makānoñ meñ

ujāḌī bastiyoñ kī be-nishānī kā tamāshā kar

bacha kya rah gaya kalak bhare jhulse makanon mein

ujaDi bastiyon ki be-nishani ka tamasha kar