maiñ āñdhiy.oñ se laḌā thā is e'timād ke saath

daraḳht TuuT bhī jaa.e to kaam aatā hai

main aandhiyon se laDa tha is e'timad ke sath

daraKHt TuT bhi jae to kaam aata hai

ek halkī sī bhī aahaT ho to Dar jaatā hai

sher kī khaal ko dahlīz pe rakhne vaalā

ek halki si bhi aahaT ho to Dar jata hai

sher ki khaal ko dahliz pe rakhne wala

badan kī khaal ko kapḌoñ se Dhāñp kar rakhiye

hameñ to qīmtī poshāk ko bachānā hai

badan ki khaal ko kapDon se Dhanp kar rakhiye

hamein to qimti poshak ko bachana hai

na jaane kaun sī ġhurbat hai merī āñkhoñ meñ

ki us badan meñ ḳhazāne talāsh kartā huuñ

na jaane kaun si ghurbat hai meri aankhon mein

ki us badan mein KHazane talash karta hun

maiñ apnī zaat meñ ḳhud se jhagaḌtā rahtā huuñ

vo chāhtā hai rahūñ us kī hukmrānī meñ

main apni zat mein KHud se jhagaDta rahta hun

wo chahta hai rahun us ki hukmrani mein

ek do ghoñT meñ kar Dālegā ḳhālī tum ko

tum jo dariyā ho to sahrā se na Takkar lenā

ek do ghonT mein kar Dalega KHali tum ko

tum jo dariya ho to sahra se na Takkar lena

ai zindagī tū mire hausle kī daad to de

maiñ uTh ke roz nayā din gale lagātā huuñ

ai zindagi tu mere hausle ki dad to de

main uTh ke roz naya din gale lagata hun

ret ban kar mirī muTThī se phisal jaatī hai

ab mohabbat bhī sañbhālī nahīñ jaatī mujh se

ret ban kar meri muTThi se phisal jati hai

ab mohabbat bhi sanbhaali nahin jati mujh se

tumheñ hamesha zarūrat pakaḌ ke laatī hai

kabhī to aao mire ghar mire havāle se

tumhein hamesha zarurat pakaD ke lati hai

kabhi to aao mere ghar mere hawale se

maiñ chāhtā thā mirā ishq lā-zavāl rahe

so maġhfirat kī duā māñgtā rahā kal raat

main chahta tha mera ishq la-zawal rahe

so maghfirat ki dua mangta raha kal raat

jāñch letī haiñ mohabbat kī nigāheñ pal meñ

naap le kar to sweater nahīñ bunte jānāñ

jaanch leti hain mohabbat ki nigahen pal mein

nap le kar to sweater nahin bunte jaanan

tum se ab merā ta'alluq sirf itnā hai ki bas

roz mausam dekh letā huuñ tumhāre shahr kā

tum se ab mera ta'alluq sirf itna hai ki bas

roz mausam dekh leta hun tumhaare shahr ka

apne dushman ko bhī mohabbat de

ishq ke dā.ere ko vus.at de

apne dushman ko bhi mohabbat de

ishq ke daere ko wusat de

ḳhvāb sachchā ho to mub.ham nahīñ rahtā 'ātir'

dil vo yūsuf hai ki tā'bīr batā detā hai

KHwab sachcha ho to mubham nahin rahta 'atir'

dil wo yusuf hai ki ta'bir bata deta hai

ab us ko log sitāra-shanās kahte haiñ

dukāñ ḳharīd lī tote kī faal vaale ne

ab us ko log sitara-shanas kahte hain

dukan KHarid li tote ki fal wale ne

mast hasīn logoñ meñ DhūñDiye vafādārī

ḳhushnumā daraḳhtoñ par phal nahīñ lagā karte

mast hasin logon mein DhunDiye wafadari

KHushnuma daraKHton par phal nahin laga karte

ab aa gayā huuñ to dil meñ utaar lenā mujhe

bulā ke paas mujhe rā.egāñ na kar denā

ab aa gaya hun to dil mein utar lena mujhe

bula ke pas mujhe raegan na kar dena

phir ye ġhurbat nahīñ kartī hai ta.āqub us kā

jab koī shaḳhs mohabbat ko kamāne nikle

phir ye ghurbat nahin karti hai taaqub us ka

jab koi shaKHs mohabbat ko kamane nikle

aap siine meñ chhupāte haiñ mohabbat apnī

ham ko dīvār ke pīchhe bhī nazar aatā hai

aap sine mein chhupate hain mohabbat apni

hum ko diwar ke pichhe bhi nazar aata hai

maiñ ḳhud ko bhī nahīñ itnā mayassar

vo sau fīsad tavajjoh chāhtā hai

main KHud ko bhi nahin itna mayassar

wo sau fisad tawajjoh chahta hai

apne chehre kī raushnī laanā

ik diyā DhūñD luuñ añdhere meñ

apne chehre ki raushni lana

ek diya DhunD lun andhere mein

tamām shahr hī jogī samajh rahā hai mujhe

tumhāre dhyān kī maalā gale meñ kyā pahnī

tamam shahr hi jogi samajh raha hai mujhe

tumhaare dhyan ki mala gale mein kya pahni

maiñ to gumnām thā kam-qadr thā aur ḳhāk-basar

ik tire ishq ne tauqīr baḌhā dī merī

main to gumnam tha kam-qadr tha aur KHak-basar

ek tere ishq ne tauqir baDha di meri

safar meñ kaise mohabbat se saath rahte haiñ

sabaq ye maiñ ne parindoñ kī Daar se sīkhā

safar mein kaise mohabbat se sath rahte hain

sabaq ye main ne parindon ki Dar se sikha

phir se do chaar samundar ke thapeḌoñ ne mujhe

ye batāyā ki mirī maañ thī jazīra jaisī

phir se do chaar samundar ke thapeDon ne mujhe

ye bataya ki meri man thi jazira jaisi

dil ke andar yuuñ chhupā rakkhā hai ik terā ḳhayāl

jaise ik biij meñ poshīda shajar rahtā hai

dil ke andar yun chhupa rakkha hai ek tera KHayal

jaise ek bij mein poshida shajar rahta hai

tirī giraft mirā martaba baḌhātī hai

mujhe tū apnī mohabbat meñ mubtalā rakhnā

teri giraft mera martaba baDhati hai

mujhe tu apni mohabbat mein mubtala rakhna

daftar-e-husn sajā rakkhā hai us ne 'ātir'

vo ġhazal ko mirī arzī kī tarah paḌhtā hai

daftar-e-husn saja rakkha hai us ne 'atir'

wo ghazal ko meri arzi ki tarah paDhta hai