ab us maqām pe hai mausamoñ kā sard mizāj

ki dil sulagne lage aur dimāġh jalne lage

ab us maqam pe hai mausamon ka sard mizaj

ki dil sulagne lage aur dimagh jalne lage

hai merī āñkhoñ meñ aks-e-navishta-e-dīvār

samajh sako to mirā nutq-e-be-e-zabāñ le lo

hai meri aankhon mein aks-e-nawishta-e-diwar

samajh sako to mera nutq-e-be-e-zaban le lo

haiñ in meñ band kisī ahd-e-rast-ḳhez ke aks

ye merī āñkheñ ajā.ib-gharoñ meñ rakh aanā

hain in mein band kisi ahd-e-rast-KHez ke aks

ye meri aankhen ajaib-gharon mein rakh aana

hausla sab ne baḌhāyā hai mire munsif kā

tum bhī in.aam koī merī sazā par likh do

hausla sab ne baDhaya hai mere munsif ka

tum bhi inam koi meri saza par likh do

yuuñ bhī kiyā hai ham ne haq-e-dilbarī adā

apnī hī jiit apne hī hāthoñ se haar dī

yun bhi kiya hai hum ne haq-e-dilbari ada

apni hi jit apne hi hathon se haar di