kaun badan se aage dekhe aurat ko

sab kī āñkheñ girvī haiñ is nagrī meñ

kaun badan se aage dekhe aurat ko

sab ki aankhen girwi hain is nagri mein

tire gītoñ kā matlab aur hai kuchh

hamārā dhun sarāsar muḳhtalif hai

tere giton ka matlab aur hai kuchh

hamara dhun sarasar muKHtalif hai

sitāra hai koī gul hai ki dil hai

tirī Thokar meñ patthar muḳhtalif hai

sitara hai koi gul hai ki dil hai

teri Thokar mein patthar muKHtalif hai

fazā yūñhī to nahīñ malgajī huī jaatī

koī to ḳhāk-nashīñ hosh kho rahā hogā

faza yunhi to nahin malgaji hui jati

koi to KHak-nashin hosh kho raha hoga

hijr kī talḳhī zahr banī hai mīThī bāteñ bhejo nā

ḳhud ko dekhe arsa guzrā apnī āñkheñ bhejo nā

hijr ki talKHi zahr bani hai miThi baaten bhejo na

KHud ko dekhe arsa guzra apni aankhen bhejo na

go ek aziyyat hai tirā rang-e-taġhāful

ye rang kisī aur pe sajtā bhī nahīñ ḳhair

go ek aziyyat hai tera rang-e-taghaful

ye rang kisi aur pe sajta bhi nahin KHair

mere dil kī shāḳh pe jānāñ

har mausam meñ tū khiltā hai

mere dil ki shaKH pe jaanan

har mausam mein tu khilta hai

balā kī tamkanat se ab siyāhī boltī hai

hamārī chup se shah pā kar tabāhī boltī hai

bala ki tamkanat se ab siyahi bolti hai

hamari chup se shah pa kar tabahi bolti hai