کون بدن سے آگے دیکھے عورت کو

سب کی آنکھیں گروی ہیں اس نگری میں

ترے گیتوں کا مطلب اور ہے کچھ

ہمارا دھن سراسر مختلف ہے

ستارہ ہے کوئی گل ہے کہ دل ہے

تری ٹھوکر میں پتھر مختلف ہے

فضا یوں ہی تو نہیں ملگجی ہوئی جاتی

کوئی تو خاک نشیں ہوش کھو رہا ہوگا

ہجر کی تلخی زہر بنی ہے میٹھی باتیں بھیجو نا

خود کو دیکھے عرصہ گزرا اپنی آنکھیں بھیجو نا

گو ایک اذیت ہے ترا رنگ تغافل

یہ رنگ کسی اور پہ سجتا بھی نہیں خیر

میرے دل کی شاخ پہ جاناں

ہر موسم میں تو کھلتا ہے

بلا کی تمکنت سے اب سیاہی بولتی ہے

ہماری چپ سے شہہ پا کر تباہی بولتی ہے