کچھ ایسا ہے فریب نرگس مستانہ برسوں سے

کہ سب بھولے ہوئے ہیں کعبہ و بت خانہ برسوں سے

حسن فطرت کی آبرو مجھ سے

آب و گل میں ہے رنگ و بو مجھ سے

نہ رہا کوئی تار دامن میں

اب نہیں حاجت رفو مجھ کو

وہ شبنم کا سکوں ہو یا کہ پروانے کی بیتابی

اگر اڑنے کی دھن ہوگی تو ہوں گے بال و پر پیدا

خاکستر دل میں تو نہ تھا ایک شرر بھی

بیکار اسے برباد کیا موج صبا نے

آشوب اضطراب میں کھٹکا جو ہے تو یہ

غم تیرا مل نہ جائے غم روزگار میں

کافی ہے بہت وسعت صحرائے زمانہ

ہم اور کہیں ڈھونڈ نکالیں گے ٹھکانہ

جو تصور سے ماورا نہ ہوا

وہ تو بندہ ہوا خدا نہ ہوا