kuchh aisā hai fareb-e-nargis-e-mastāna barsoñ se

ki sab bhūle hue haiñ kaaba o but-ḳhāna barsoñ se

kuchh aisa hai fareb-e-nargis-e-mastana barson se

ki sab bhule hue hain kaba o but-KHana barson se

husn-e-fitrat kī aabrū mujh se

aab o gil meñ hai rañg-o-bū mujh se

husn-e-fitrat ki aabru mujh se

aab o gil mein hai rang-o-bu mujh se

na rahā koī taar dāman meñ

ab nahīñ hājat-e-rafū mujh ko

na raha koi tar daman mein

ab nahin hajat-e-rafu mujh ko

vo shabnam kā sukūñ ho yā ki parvāne kī betābī

agar uḌne kī dhun hogī to hoñge bāl-o-par paidā

wo shabnam ka sukun ho ya ki parwane ki betabi

agar uDne ki dhun hogi to honge baal-o-par paida

ḳhākistar-e-dil meñ to na thā ek sharar bhī

bekār use barbād kiyā mauj-e-sabā ne

KHakistar-e-dil mein to na tha ek sharar bhi

bekar use barbaad kiya mauj-e-saba ne

āshob-e-iztirāb meñ khaTkā jo hai to ye

ġham terā mil na jaa.e ġham-e-rozgār meñ

aashob-e-iztirab mein khaTka jo hai to ye

gham tera mil na jae gham-e-rozgar mein

kaafī hai bahut vus.at-e-sahrā-e-zamāna

ham aur kahīñ DhūñD nikāleñge Thikāna

kafi hai bahut wusat-e-sahra-e-zamana

hum aur kahin DhunD nikalenge Thikana

jo tasavvur se māvarā na huā

vo to banda huā ḳhudā na huā

jo tasawwur se mawara na hua

wo to banda hua KHuda na hua